小地勤之前都有提到宮崎係一個比較冷門既港人旅遊地方 , 所以天書介紹得幾頁 . 旅遊區九成半係日本人 . 依個地圖就係小地勤今次會去既地方 , 包括青島神社 , 鬼之洗濯板 , 日向南公園以及鵜户神宮 .
晚上會在鹿兒島休息 . 酒店方面選擇最便宜的 . 這間酒店有泊車位 , 可惜晚上九點多才抵達 , 已經全 Full , 只好到對面泊段鐘計的車場 , 泊了 12 小時 1100 Yen . 酒店位置就在旺街天文館街旁邊 , 但行程太趕 , 沒時間留在鹿兒島市內遊玩 .
在九州自駕遊的確比坐交通工具來得方便 , 但缺點係路費好貴 . 以下係在巴士站拍到的時間表 , 很疏的巴士 , 假如要跑景點 , 時間一定要掌握得非常好 , 否則整個行程不但會打亂 , 分分鐘無車返市中心 .
今日既第一站是青島神社及鬼之洗濯板 . 兩個景點其實是同一地方 , 青島神社就係被鬼之洗濯板包圍住 . 由泊車的位置行去神社 , 花了我大半個小時 , 30 幾度高溫下 , 小地勤買了兩款日向夏的飲品 , 而日向夏的真身就於整個行程內都沒遇上 .
穿過一條賣沙冰 , 飲料 , 小食及紀念品的小街 .
來到沙灘 . 30 幾度 , 令每個人都想跳入水中 ... 小地勤好彩有備而來 , 塗定防曬 , 戴定草帽及太陽眼鏡 , 但都難抵猛烈既陽光 , 曬濃了 !
距離神社入口 , 還有一大段路要走 . 沿途都係無瓦遮頭的 , 大太陽又辛苦 , 但大風大雨時 , 相信都係一樣辛苦 .
終於接近個島 . 遠遠地看到個大鳥居 . 來參拜的人都一定是非常堅忍同誠心 , 否則中途已經放棄 !
聽說未有依條路時 , 依塊洗衫板係連住既 , 不過唔知是真是假 .
拍返個近鏡先 , 好多旅客都行落去影相 , 但小地勤無預到會行咁多路 , 著錯鞋 , 所以都係路邊影幾張就算 .
影左幾張相 , 就潮脹了 . 大自然真係好神奇 , 水慢慢地蓋住依個地貌 .
入神社前 , 有個日文簡介以及家族圖 .
來到鳥居 , 即踏入左神社既範圍 . 在大太陽下曬左大半個小時 , 真係要溶化了 !
入廟拜神要先洗手 .
今年黑仔人士名單有 : ( 前厄 ... 我中了 ... 應該已經行完衰運了 T^T )
靠海的地方 , 總有貝殼賣 . 要用完整的貝殼串成咁多串 , 很花功夫及時間 .
神社的正門 " 鴨就宮 " .
神社本殿 . 沖繩也是南國 , 大家的神社都很相似 .
巨人隊的願望 , 很多人跟它們拍照 .
厄運就留返比神社吧 .
掛滿人們願望的隧道 , 小地勤第一次見 . 覺得依到好靚好特別 .
再行入去 , 有一個疑似供奉神靈的地方 . 小地勤不敢拍照 , 第六感吧 ! 旁邊有很多祈福小玩意 . 當中最得意係門口的射箭位 , 射中邊格就行咩運 .
七福神 , 令我想起登別的七小鬼 .
這個神社出名祈求婚姻幸福美滿 , 咁單身人士就當然會黎祈求好婚姻 , 所以咁遠都咁多人來參拜 .
小地勤就隨便買了一個安全御守 , 回家才發現跟沖繩買到的是一樣 ... 唯有安慰自己 , 它貴在有巫女幫你 " 噹噹 " 左幾下 , 才包給我 , 祈福係要花錢的 !
下一站鵜户神宮 .
沒有留言:
張貼留言