每個人的志向不同

22.05.2015

其實去旅行前 , 發生左一件事令我好唔開心 , 所以我係 Facebook 到打左幾句說話黎發洩一下 . 坦白講 , 我係唔會開名 , 成段對話正係睇得出 " 我被人呃 , 好唔開心 " , 結果當然被人照肺 . 

陛下有陛下既難處 , 陛下亦唔係一個衰人 . 佢照我肺 , 我都預左 , 但當中一句說話又係我負面情緒太多 , 會影響其他同事 . 不過算啦 , 之後佢都心平氣和咁同我傾 , 問我究竟發生咩野事 .

其實陛下話見到依番說話佢好唔開心 , 因為我竟然聽信別人既說話都唔會去問清楚佢 . 陛下唔明白打工仔心態 , 你講左一句說話令其他同事講左另一番說話我聽 , 其實最唔開心果個應該係我吧 ! 而且邊有下屬會去問返上司 , 你係咩意思 ...

我思想雖然負面 , 但我係識得自我調節 , 所以我先可以係依行做左成 10 年 . 可惜陛下唔明白 . 認識陛下咁奈 , 佢係一個好孝順 , 對同事都唔錯既上司 . 佢係我眼中 , 佢的確係一個工作狂 , 有時 , 我好唔明白 , 點解有人唔係為錢 , 唔係為職位 , 咁仲可以為左咩呢 ?

陛下同我傾左好奈 , 我既觀點佢係唔明白 , 我當然知道 , 不過都唔想加以解釋 . 佢既好意 , 我亦明白 , 不過每個人都有自己既志向 . 我只係想要一份輕鬆既工作 . 我同佢一樣都係好有責任心既人 , 雖然我把口成日話會唔理 , 會去 Hea , 但有邊一次我真係咁做過 ?

我同佢最大分別應該係我將工作同生活分得開 , 我可以為左自己既家庭而去搵少一點錢 . 但陛下好似唔明白我依種女人仔既心態 , 佢覺得嫁左人都唔可以唔做野 , 我當然會做 , 但唔係做一份花曬我全日時間 , 令我攰到無朋友既工 . 我願意將來做一個好媽媽 , 花時間同小朋友相處 , 而唔係正係比錢佢洗 . 錢係買唔到親情 .

我的確鐘意依行 , 如果公司願意比我轉做兼職 , 我當然好樂意 . 可惜經過今次事件 , 我相信陛下都唔想我再留底 , 對佢黎講 , 我係一個控制唔到既人 . 我負責既工作 , 其實好簡單 , 隨便搵一個人都可以頂到我依加做既野 . 但做得好唔好 , 又或者會唔會去做一條數出黎 , 就唔係人人有咁既能力 . 我自問天生就係一個管家婆 , 對數字好敏感 .

Facebook 上 , 有太多管理層 , 唔可以亂講野 . 日記板係我用黎打有關地勤工作 , 但相信已經被人監察緊 , 返工又被人監視住 , 感覺當然唔好 , 我只係一個小地勤 , 我唔係賣左身比依間公司既妹仔 , 其實 Facebook 同日記板都預左被人睇 , 我會繼續做返自己 , 打返自己想打既野 , 唔會做一個只會歌頌公司既小地勤 .

每一行都有自己既辛酸 , 唔明點解唔可以公開 , 試問再好既工 , 都會有令人不滿以及唔開心既事發生 , 如果員工頂唔到 , 就自然會走 . 而每一個願意留底既員工 , 都係因為有一個自己既原因 , 當中以錢及同事好 , 最能夠留到人 .

記得以前在舊公司 , 人工唔高 , 但幾開心 , 每日返工跟唔同既人合作 , 做好自己本份 , 唔好爆鑊就得 . 貴賓室既好處係無樓上咁辛苦 , 但唔可以話係一份很好既工作 , 一樣要面對好多事情及壓力 , 最令人頭痛相信係如何與一班同事相處 , 日日返工都係見到佢地 , 唔鐘意既就唔好講咁多野 , 鐘意既咪講多兩句囉 . 可惜依加人多左 , 自然有人會想向上爬 , 所有風波都來自一班想向上爬既同事 .

我明確表示唔會升 , 但歷史不斷重演 , 我係一個阻力 . 好多時 , 我既做法係無錯 , 但上面要我跟佢個套 , 但每次都出事 , 最後都係我自己用返自己個套 . 功當然不是我領 , 但屎就一定有我份 . 小地勤只係想安安穩穩 , 但做野又會被人覺得我搶佢功勞 , Hea 做又會被人背後中傷 . 唔升職都會被人咁樣攻擊 , 如果升左職就會明爭暗鬥 , 電視中既陛下 , 永遠看不清後宮佳麗為左討好佢而鬥到你死我活 , 想獨善其身 , 好難 !

我唯一可以做就係咩都唔好做 , 唔好理 , 我越廢 , 最多都只係被人叫我做老 Pat Pat , 而唔會攪我 . 我唔處理 Complain , 就唔會有人發現我既突出表現 . 迫到一個同事咁樣 , 損失既係公司 , 唔會係我自己 , 因為再廢 , 公司都要出糧比我 .

舊公司以前留我 , 原因係怕我唔做 , 會令好多同事都跟我走 , 因為當年我係好多人既師傅以及有少少名氣既小地勤 . 依間公司 , 我唔做 , 唔會有人跟我走 , 但肯定會對仲做緊既同事有打擊 , 掃把話我都有少少影響力 , 因為大部份同事都好尊敬我 , 我既離開 , 會令一班妹妹仔諗依行值唔值得留底 , 始終一個做左 10 年都走既同事 , 說明依行係無前途 , 亦無希望 .

相信依篇文章 , 又可能會令我出事 , 不過都唔理啦 , 哈哈 !