係時候講返小地勤今次行程既傻仔野 , 上幾篇有提過今次行程捉虫左 3 次 , 都係同一日發生 . 因為大部份旅遊書都無點介紹余市依個地方 , 所以我就跟平日一樣打開 Google Map 看看 .
捉虫一 , 見到一個神社 , 上網見到相片都幾吸引 , 去到發現此神社跟彼神社完全是不一樣 ... 恐怖到相都唔敢影張就閃人 . 墳場黎架 !
捉虫二 , 海濱公園的一片彩色花海竟是如此 ...
不過旁邊風景都唔錯 . 依幾日係北海道都只係見到樹林及大片草地 , 大海的確好靚 !
捉虫左兩次 , 都肚餓了 . 係余市的海鮮工房食個遲來的午餐 . 海鮮工房位於威士忌酒廠同 JR 站既中間 , 好易見到 .
好多款式既魚生飯都係賣完就無 . 小地勤今次作出很大既勇氣 , 嘗試食以下的魚子 , 但那種一咬就爆水既感覺 , 真係令我想嘔 ... 好采我仲有蟹肉可以食 ! 北海道會餓死小地勤 !
我男友最愛的海膽飯 , 仲有我唔想再食既魚子都落左佢個肚到 . 每個飯好似都係 1000 Yen .
依個蟹湯計返不用 HKD 40 !!! 勁多蟹腳 , 我覺得好抵食 !!!
食飽又到四圍搵 "響 21 " 既每日節目 . 小地勤眼訓到要飲咖啡提神 . 平日好少見男友飲咖啡 , 睇黎佢今次真係好攰 . 揸左好奈車 , 辛苦佢 !
由余市去小樽 , 其實好快 , 約半個鐘左右車程 . 終於黎到捉虫三 ... 人影都唔多個既小樽最大神社 ... 勸大家別浪費時間 ! 玩小樽留在運河邊就可以了 .
神社旁邊的小小花田 , 我見四圍都有依種花 ! 做功課時 , 知道 5 月係芝櫻開既季節 , 依種就叫芝櫻嗎 ?
神社係山上 , 山下的小樽市 .
本來想在小樽吃晚飯 , 可惜店都關了 . 天黑黑的小樽運河 . 影左張相就返札幌 . 之後仲會有一日係正正式式咁留係小樽玩 .
九點幾先返到札幌 , 差唔多要開 1 個半鐘車 , 返到去 , 除左拉麵 , 已經無選擇 . 當中個豬排飯好抵食 , 賣 600 Yen ! 小地勤今次試左白面豉湯底 . 食飽後 , 去左激安行到成兩點先返酒店 . 每次黎到日本都好似辛苦過辛工 ...
沒有留言:
張貼留言