今日行程只有一個 , 就係去睇漩渦 .
上年小地勤跟老公因時間趕急 , 所以就錯過了這個景點 . 今年終於補回來 . 日本真係好大 , 好多地方都要重遊 3 , 4 次先去得曬 . 依刻好慶幸自己仲係一個地勤 , 可以攞住每年 12 套來回免費機票四圍去 . 我們真的很喜歡到日本 .
小寶寶其實放手學行才 4 個多月 , 很多時 , 行一會 , 他就要抱抱 . 小地勤沒有強迫他一定要自己行 , 因為可以給父母抱的日子是有限的 . 今次 , 他自己由頭行到落尾 , 仲學識自己上落樓梯 , 每次旅遊回來都長大了很多 .
由停車場去鳴門大橋 , 有一大段路 , 今日天氣非常好 , 藍天白雲 , 風景很美 !
未入場 , 已經很興奮 . 其實小地勤是畏高的 , 心裡有點擔心 , 幸好橋給我感覺很安全 , 神奇地 , 我竟然不害怕 !
在門外拍照花了很多時間 , 沒有留意到潮汐時間 ... ... 這個地方 , 風很大 , 涼涼的海風 , 很舒服 !
9 月的日本 , 很多地方都已經開始有 Halloween 的擺設 .
仲有一堆衫比你扮鬼扮馬 .
明明 9 點幾已經到左 , 最後攪到很遲先買票入場 . 票價仲包埋一張 Post Card .
無論睇唔睇到漩渦 , 入去行下 , 睇海景都值得 . 海景好靚 , 海風好舒服 , 令人心情很好 . 行完依段路 , 真心減壓 .
起初都擔心 BB 會唔會驚 , 唔敢行 . 有時條橋會有點震 , 唔知你上面既車定下面既漩渦導致 . 不過爸爸不停鼓勵佢 , 佢就越行越有信心 , 仲不停卡卡笑 . 沿路很多遊人說他可愛 . 媽媽心裡當然暗爽 , 個 B 被人讚 , 開心過自己被人讚 .
依段路真係好長的 , 所以好驚訝 BB 竟然唔洗拖住 , 靠自己完成 .
BB 好欣賞依到既風景 , 見佢咁開心 , 我更加覺得依個景點一定要推介出去 .
盡頭就係睇漩渦既地方 . 可惜我們錯過了時間 . 不過好處係無人 , 任影 !
仲有個拍紀念照既地方 , 打卡用 ~ 其實老公之前同朋友黎過 , 但你睇佢笑得幾開心 , 就知跟個仔重遊都係樂趣 .
雖然錯過了最壯觀既時候 , 不過簡中都仲會有漩渦出現的 , 一樣會拍到 .
希望將來 , 等 BB 再大一點 , 我們可以再重遊依個景點 . 510 Yen 超值 !
沒有留言:
張貼留言