大部人黎廣島都係為左見識一下 " 日本三景 " . 小地勤也不例外 .
出發前當然要先食飽飽 , 我地去左食廣島蠔 . 老公係網上搵到依間食蠔 . 所以我地就去試一下 .
我叫左一個 Set 餐 , 全蠔宴 , 炸蠔 , 蒸蠔飯 , 蠔仔味噌湯 , 仲有其他蠔仔配菜 , 約 1000 Yen. 沒有華麗包裝 , 又無冷氣 , 所以好平好抵食 .
約 1000 Yen 1kg 蠔 , 碳火印象中加左少少錢 . 蠔唔算大隻 , 不過都好鮮甜 , 令小地勤都食左 6, 7 隻 .
食左接近一個鐘 , 天氣熱 , 仲要 BBQ , 又無冷氣 , 的確幾難頂 . 係到正係見到日本人 , 應該無咩遊客會黎的地方 .
食飽就開始今日既行程 . 其實唔會唔識路 , 跟住人行就得 . 依個景點真係好多遊客會黎 .
一見到有鳥居就好興奮咁影相 , 又唔係第一次見鳥居 , 諗返都覺得自己好傻 .
其實由宮島口去嚴島係最多船同最方便 .
自己在售價機買來回船票就可以了 , 來回 360 Yen.
跟住自己行去排隊等船 , 上船要摺好 BB 車 , 一個人真係好難帶 BB 出去外遊 .
我地好開心咁上左上層冷氣房坐 , 自己選位 , 都無劃票 , 亦唔覺有人檢查船票 .
第一次係日本坐船 , 真要係同埋 BB 一起 , 真係好開心 .
可惜當我地見到個鳥居正在維修中 , 真係笑唔出 . 無做好功課 , 專登由大阪開車過黎 , 結果係咁樣 ... ... 想睇水上鳥居要等到 2020 年 8 月打後了 .
仲諗住可以同 BB 影寫真 ... 我想要水上鳥居的一家三口合照 ... 唯有期待下次 .
原來到達先有人收船票 , 坐左大約 15 分鐘的船 , 一出碼頭就開始影相 . 人地話 BB 大得好快 , 要同佢影多點相做紀念 . 所以今年小地勤不停咁帶 BB 去日本唔同既地方影相 .
原來要睇鹿唔一定要去奈良 , 宮島都有 , 而且個景唔錯 , 鹿仔係海邊散步 , 很特別 . 唔好以為佢地好溫馴 , 好似野狗咁 , 成班一見到膠袋就咬 , 連旅遊書都唔放過 , 好恐怖 .
依個地方唔算大 , 亂行都得 .
好快就行左入商店街 , 係到最安全 , 無鹿入黎 .
網上話楓葉饅頭好出名 , 所以我地都買左 2 款口味試下 .
係依到餐廳食廣島蠔係咁樣既做型 , 所以包裝都係要收費的 .
商店街主要都係買下手信既地方 . 連自動售賣機都可以買楓葉饅頭 , 就知有幾出名 . 我覺得同平日食個 D 紅豆餅無咩分別 . 但黎到點都要試下的 .
9 月的天氣仍然很熱 , 所以去了吃冰 , 其實依段路已經飲左 2 支茶都頂唔順 .
本身好期待既烏居攪成咁 , 所以我地都無比錢入場參觀 .
就咁係外圍影下杷就算 . 如果再有機會重遊 , 先比錢入去參觀下 .
完成了今日既行程 , 我地回廣島市四圍行下 . 每次都會行下激安之殿堂 , 點都會買到退稅為此 . 行完就試左一間可以泊到 BB 車既廣島燒 , 我地見人地好大份 , 又有麵底 , 以為最貴個款就係 , 點知唔識日文果然叫錯野食 . 叫左 2 個無麵底的廣島燒 .
沒有留言:
張貼留言