今日正正式式咁遊柏林市 . 每張單程通用票效期 2 小時 , 單買一張 2.7 歐 , 一次買 4 張 2.5 歐 . 柏林市內景點全在 AB 區 , 一張 Berlin AB 只賣 6.9 歐 . 既然今日會不停坐地鐵 , 因此決定買一日票 , 比較抵 .
小地勤去旅行 , 都唔買天書 , 多數上網搵資料 . 想要最新最 Update 資料 , 可以去背包客棧 . 今日晨早去左 Google Map 指點既柏林圍牆 , 根據佢既教路 , 小地勤竟然去左遊客唔會去既那個柏林圍牆公園 .
一出地鐵站 , 就行錯左方向 ... 想問路都無人比你問 . 行錯半個鐘就知道自己行錯方向 , 因為柏林圍牆無可能離地鐵站咁遠 .
見到盞紅綠燈 , 小地勤就知道今次無行錯方向 . 我已經到左東柏林 .
一日票好處係可以亂上車 , 凍就上車取暖兼搵路 , 咁都上對車 , 哈哈 . 地鐵站前面就有車站 , 坐一個站就到 .
依到就係柏林圍牆公園 , 好荒蕪 , 一個人影都無 .事後上網睇返 , 先知依到正係星期六 , 日先會比較熱鬧 .
小地勤要搵既柏林圍牆就係公園既小山丘上 , 好大風 , 仲落微雨 , 超凍 !
唔知點解 ,一黎到依到就有一種好悲傷既感覺 , 心情好凝重 . 但講真 , 我對東西德既歷史並唔熟悉 .
係到望入去 , 裡面有好幾支好高既射燈 , 令人聯想到很多野 . 一個人想偷走 , 幾支大燈照住佢 , 四周響曬警號 , 個心好驚 , 後面有一堆軍人追住你 , 大叫你唔准跑 . 當年應該經常發生 , 心寒 !
沒人玩的秋千 , 有被人遺忘的感覺 .
從小山丘上看公園 . 風真的很大 , 好想盡快離開依個令人唔開心既地方 . 小地勤又要向下一站進發 .
沒有留言:
張貼留言