原定早上再於泊港漁市場吃早餐，但有 BB 成員的旅行，總會有阻撓出唔到門口，結果吃昨晚的剩餘物資，便向萬座毛出發。
由那霸開車到萬座毛，約1小時多。可選收費道路，但其實唔快得幾多。最近海膽杯麵好紅，真係一麵難求，去到偏遠地區先買到一打。仲要係搵左3，4間店先湊夠一打。每人分一個就派完了。
小地勤雖然買了，但未有時間去試味。不過已試味既老爺奶奶，非常欣賞，話好濃海膽味，超美味。如果大家最近去日本，都買來試一下，聽說東京大阪好難買到。
前往萬座毛途中，老公提議順路去殘波岬影燈塔及大獅子。可惜燈塔正在維修。
幸好仲有隻大獅子可以影一下，否則就白來了。今日的殘波岬沒有平日那麼大風。可以慢慢影。
拍完依個冷門景點，係時候去沖繩必去的萬座毛打卡。這幾年，小地勤都唔記得黎過幾多次。來沖繩旅遊的人越來越多，自駕的亦增多了。無黎沖繩一年，國際通附近多了很多酒店，很多小店亦改做藥店，連萬座毛都要排隊等泊車，等了約 15 分鐘，終於等到位。相信下年再來，就不用等位，眼見停車場在擴建。
草地很翠綠，想幫 BB 拍親親大自然既照片。點知 BB 卻喊曬口咁，唔合作。
是我不夠細心，沒想到草地不柔軟，吉死人，老公仲發現 BB 被草地吉到損左，流血。。。媽媽對你唔住，下次小地勤會先摸下個地面先讓 BB 坐。受傷的小寶寶，痴到爸爸實一實，老公冧爆了。
下一站是人氣景點海洋館。
沒有留言:
張貼留言