攞一日假 , 再將兩星期的例假連埋一起放 , 做就了今次的旅程 . 老公已經有無數次日本自駕遊經驗 , 因此租車都係他一手包辦 .
小地勤其實係公司用 7 折買了一隻 Wifi Egg , 可以一個價錢 , 60 個國家使用 . 可惜租日本 Wifi 實在太平 , 計落仲抵過我隻 Wifi Egg , 因此都無用過咁制 .
講返今次旅程 . 小地勤 18 號收工回家跟 BB 道別後 , 就帶埋件行李 , 開車到機場 . 假如來回的士錢貴過泊車 , 我地都會自己開車到機場的 . 每次回來 , 都幾箱野 , 的士都唔夠位放 .
小地勤坐零晨機 , Check in 完後 , 再到樓下攞埋 Wifi , 再用信用卡入埋貴賓室休息 , 先再上機 . 零晨機不太適合一家大細的旅遊 , 太辛苦了 . 兩公婆就無咩所謂 , 在飛機睡了一會 , 差不多五點就到了大阪機場 .
時間實在太早 , 租車的地方係機場附近 , 當然未開門 , 所以小地勤就好似其他等車既旅客咁樣 . 訓街 , 反正我老公都唔洗訓 , 佢坐旁邊看行李 , 我訓得很安心 !
結婚三周年之旅正式開始 !
兩個人租了架細車 , 每回行李都超多 , 所以細車最盡只可以坐 3 個人 , 否則無位放行李 .
大阪租車 , 坦白說 , 比較貴 . 但今次我們去到邊 , 訓到邊 , 唔租車 , 就分分鐘要訓街了 ! 大阪的 ETC Card 在路費上只是用黎打折 , 最後還車 , 也是要比一筆路費 , 沒有北海道自駕咁抵玩 .
由關西機場開去淡路島是要經過明石海峽大橋的 , 很喜歡在橋上看海 , 其實到現在 , 每次出入香港機場 , 小地勤都仲係覺得青馬大橋的景色很美 .
旅行去多了 , 眼光也擴寬了 . 很多時 , 會將幾個地方聯想埋一起 . 就好似現在咁 , 明明係明石海峽大橋上行駛 , 但就會諗起青馬大橋 .
明石海峽大橋係網上好多人都推介既景點 , 全長約四公里 , 是全世界最長的吊橋 . 當然要停低駕車 , 影返張相留念 .
依到除左係觀景區 , 亦係休息區 , 有好多泊車位以及好幾間餐廳 . 望住個海景食淡路島名物生魩仔魚蓋飯及小地勤最愛既冬甩 , 飲返杯野 , 真係一件好 Relax 既事 .
道站門外賣的章魚燒 , 熱湯食法 , 個皮係雞蛋做的 , 熱辣辣 , 很溫暖 .
原來淡路島另一名物係洋蔥 . 見好多人都一箱箱咁買 , 真係有咁好味 ? 小地勤唔鐘意食洋蔥的 , 所以都無打算搬返香港派朋友 , 送人一個日本洋蔥做手信 , 應該會絕交 .
沒有留言:
張貼留言