Apartment 10 點要 check out 。我們 9 點就還鎖匙了。
由宜野灣到泊港漁市場，約 1 小時。從前覺得牧志市場好抵，後來發現泊港漁市場更抵，500Yen 一個海鮮飯，1200Yen 就三個。近年，泊港漁市場的遊客多了，內裡不再只賣魚生，還加入了熟食。小地勤最愛樽裝咖啡奶。
泊港漁市場今日有活動。人，特別多。看到有賣蕃薯的店，就買了一條 300Yen 的給小寶寶及堂家姐仔兩分吃，很綿，很甜，BB 們很喜歡。
在泊港漁市場吃過早餐，我們向玉泉洞出發。跟以往一樣，小地勤只買王國村及玉泉洞的票，我對蛇不感興趣。看了一下時間表，正好趕上傳統表演，所以先去看表演。1 歲多的家姐仔看得很專心，我個仔就正係掛住自己玩。
睇完表演，就向玉泉洞出發，推 BB 車係入唔到去玉泉洞，所以先收起 BB 車，孭住 BB 。以為入到山洞又黑又濕氣重，兩個 BB 會爆喊，點知佢地兩姐弟勁興奮，全程手舞足蹈，誰說 BB 咁細去旅行，咩都唔識 ? 佢地兩姐弟既表現就話比我地知。佢地去旅行，好開心。
玉泉洞是睇鐘乳石的地方，冬暖夏涼。今天內裡氣溫 21 度，有點焗，反而夏天來，感覺比較涼快。由頭行到尾，約半個小時，坦白講，小地勤對沖繩景點已經無咩感覺，玉泉洞，我都已經行過好幾次。但見 BB 咁開心，行多幾次都無所謂。參觀完玉泉洞，可以係王國村行下，影下相，打下卡。今次旅程，小地勤老公著到一家人夾曬色同款衫，以前老公鐘意旅行著情侶裝，現在就要親子裝。
王國村有傳統屋，有水果園，有手信店，有燒玻璃。第一次來沖繩的朋友，可以過來消磨下時間。王國村對面，仲有洞穴咖啡店，有空就順便行下，飲返杯沖繩咖啡，輕鬆下。
某年，小地勤跟老公來王國村就拍了傳統服照片。今年一家大細過來，老爺奶奶講明要影全家幅。穿傳統服，每位 500 Yen , BB 也要收費的。小地勤 BB 9個半月，都有服裝適合佢。一組家人，每人可以電話影 3 張相。我們多拍了幾張，職員見我們有大有細，也沒阻止。我們事後亦幫買大照片，一張 1000 Yen , 二張 1500 Yen。我印象之前大照片收費 1200 Yen 的。可能也是海鮮價。
酒店前後都有超市，我們帶著 BB 到 Aeon 體驗下。其實去沖繩，如果揸車，唔帶 BB 車都得。商場實有 BB 推車，很方便。不同的角度去看事物，小寶寶覺得好新奇。媽媽我希望能夠拖住你的小手，帶你看世界。同事成日笑話我，原來當媽後，可以不再理性。媽媽這個身份，係特別的。由 BB 在肚內一刻，就已經充滿母愛。
住 Apartment , 地方比較大。1房1廳，四百幾呎。廚房很好用。第一晚就買和牛回酒店煮。房內提供廚具，洗潔精，洗衣液。仲有露台曬衫，浴室有乾衣模式，洗衫沒難度。
沒有留言:
張貼留言