網頁

2016年12月25日 星期日

沖繩 Okinwa。2016。十二月 ( 自駕遊+景點Pass ) Day 1

12.12.2016

冬令時間的沖繩航班 0655 起飛 , 出發前 , 勸大家先到機場管理局網站睇一下航班資訊 . 最近先知員工日泊只要 80 蚊 , 計落坐的士仲貴過自己揸車去機場 , 所以今次新嘗試泊車 4 日係機場 , 的確很方便 .

去沖繩已經唔再新鮮 , 所以都無做功課好奈 . 細妹推介我地既景點 Pass 終於有機會一試 , 先在 JAPANiCAN.com 預訂 , 再到那霸機場國內線底層換票 .
http://www.japanican.com/hk/tour/list/?typecd=TOU&typegrpcd=TPA&destcd=V09&kw=ticket

今次係帶埋細細妹一起同遊 , 其實我既家人好少會出員工票旅行 , 一來厭麻煩 , 二來唔係平得好多 , 其實一折機票真係好睇唔好食 . 今次與妹妹同遊 , 所以開車當導遊 .

由於依幾日天氣唔太好 , 所以原定順路既行程要改為睇天氣做人 . 落雨 , 最適合留在餐廳同 Shopping . 第一站先到小祿的通堂拉麵 . 無人招呼的 , 請自行在門口填上自己名字及同行人數 , 有位的話 , 職員先會行出黎通知閣下 .

長期都咁多人 , 眼見一半香港人 , 一半台灣人 . 免費涼菜 , 麻油味 , 令人更開胃 .

餃子跟拉麵是好朋友 , 男人 , 女人拉麵都有試 . 個人認為北海道的拉麵勝一籌 , 而美榮橋後街的拉麵亦不比通堂差 , 人亦較少 , 如果唔係當導遊 , 會去美榮橋個邊食 .



食飽後 , 由大雨變微雨 , 所以 Shopping 押後 , 先極速駛去古宇利島參觀 .

Pass 包了觀光塔 . 只係沒想到包埋車到門口 .


路程很短 , 但風景很美 , 假如下大雨 , 就真係黎唔到 .


貝殼館亦已包 , 有貝殼標本 , 貝殼燈及畫 , 物盡其用 , 好有創意 .



假如下大雨 , 頂樓係會關閉 . 日本好興幸福的鐘 . 雖然無下雨 , 但風超大 , 都企唔穩 , 好似十號風球咁 .





由那霸開車過黎 , 都要成 2 個幾鐘 , 再加上 GPS 只去到附近 , 都係要靠老公睇路牌 . 難得今次黎到咁遠 , 決定要搵一下傳說中的心型石 .

路唔好搵 , 雖然無入場費 , 但要收泊車 300 Yen , 仲要行一大段斜路 , 好多女生都係路上 PK , 堅斜 , 我好幾次差點 PK , 我妹妹都唔敢行落去 , 路太跣了 . 遠遠地拍了照片就閃人了 . 第十次的沖繩 , 終於遇上心型石 .


今次小地勤係住汽車旅館 , 好美式風格 , 但比較偏僻 . 唯一優點 10 分鐘車程到沖繩最大的 AEON . 晚上行程就是 Shopping . 但記住睇時間 , 10 點就會無飯食 . 係日本 1000 Yen 左右的套餐都好有睇頭 . 燒魚原來好好味 , 下次要再試 !


沒有留言:

張貼留言