網頁

2016年2月27日 星期六

馬德里半日遊*西班牙2016 (Day 3- Madrid)

19.01.2016

再一次返到巴塞隆納機場 . 指定動作係寄明信片 , 可惜已寄失 ...

來到禁區 , 覺得有點混亂 . 這個機場沒有分 Arrival 同 Departure , 都是同一層 , 很奇怪 . 係閘口等上機時 , 見到飛機埋位 , 旅客直接用同一閘口出黎 , 佢地出曬黎後 , 就到我地同一閘口上機 . 心諗咁都得 !?



歐洲機場都好大 , 會分區 , 再分閘口 . 所以早點到機場 , 免得趕唔上飛機 .

很快就來到馬德里 , 得半日時間 , 決定先到網上見到的神廟參觀. 一出地鐵站 , 就見到依間舊市政大樓 .

係到有個小廣場 .

紀念柱後面 . 其實小地勤本天書並沒有介紹依個廣場同神廟 , 只係我係 google 搜尋出黎的圖片 , 決定到此一遊 .

依座神廟叫 Templo De Debod , 係埃及送西班牙的 . 免費參觀.

我係網上就係被依個角度吸引而到此一遊的 . 依到唔太出名 , 遊客唔多 .

依個景點比左兩個驚喜我 . 第一個驚喜係無諗過咁細座廟竟然係可以免費入內參觀 . 睇唔出內裡有三層 . 當中展示的是刻有古埃及文字同圖畫既石頭.


好開心可以入內參觀 , 古埃及真係一個好神秘既角度 . 但埃及感覺危險 , 相信我無機會去依個地方 , 能夠係依座廟到行一轉 , 就當自己去左埃及吧 !

古時候神廟的全相 . 由於水位升高 , 得到西班牙幫助才得以保存 , 所以轉送西班牙當禮物.

行近一睇 , 原來都幾高大 .

第二個驚喜係原來依到係欣賞日落同馬德里皇宮既好地方 .其實值得黎打個轉 , 影下相 .



係當地 Information Counter 既小冊子得知 , 下午六點後博物館都免費 , 所以決定迫老公去行一轉 . 老公對博物館絕對沒興趣 , 但既然免費去行一轉都唔錯 . 我地選擇到柏拉圖博物館參觀 , 因為我對油畫比較有興趣 .

免費唔代表可以就咁直入 , 仍然要去售價處攞張免費飛 . 全是館內的名畫 . 每張不同 .

博物館八點關門 , 沒有藝術修養的我 , 行左一個鐘 , 就離開 .

其實博物館好大 , 所以一家要係門口處攞張地圖同簡介 . 當中我只認得幾幅名畫 . 
 
隨便搵一幅大畫影相 . 如果唔係免費時段入去 , 每人好似要比十幾歐的 . 只為感受下歐洲博物館既氣氛可以學小地勤咁六點打後先去參觀 .


博物館外的教堂 , 夜晚好靚 , 好有氣氛 . 

參觀完神廟 , 睇完日落 , 再去博物館 , 咁就半日了 . 博物館附近條街好熱鬧 , 不但有餐廳 , 仲有家樂福 . 我地隨便搵左個地方食晚飯 .

老公超愛西班牙火腿 . 

食火腿當然唔夠飽 , 所以叫左個西班牙海鮮飯 , 無諗過咁大份 . 煮飯仲好傳統 . 

一個飯先 20 歐 , 好多料 , 仲要係旅遊區 , 所以話係西班牙食飯 , 好抵 ! 依個飯比我第一日係巴塞食到的平同正 .

食飽 , 路過火車大站 Atocha . 夜景的確靚 .

返酒店前 , 黎左 SOL 行一陣 .

係依個站到有好幾間同一公司的大型商場 . 最重要係有超市 . 又係士多啤梨 , 真係好抵食 .


沒有留言:

張貼留言