轉眼間 , 就過年了 ! 今年換左角色 , 由收利是變左做派利是 , 感覺好興奮 , 但又好肉痛 , 哈哈 ! 話曬機場做左咁多年 , 識咁多人 , 眼見好多派利是既同事帶住一百封利是 , 一個早上就派曬 , 都咪話唔驚 !
慶幸今年公司份花紅超出預期 , 先可以頂得住排山倒海既同事 ( 偷笑 ) !
公司封開工利是好靚 , 好得意 . 可惜人就係貪心 . 公司有開工利是 , 又會話公司派咁少 . 我就覺得"有"已經好好 , 如果無 , 咪仲慘 . 依加既人 , 都只會講唔好聽既說話 . 雖然公司對比出面唔算福利好好 , 但要有既 , 佢都會有 , 其實我有時都幾正面 .
依盒筆係特別加長版 , 又靚又實用 . 公司應該知道同事成日被客偷筆 , 所以先送盒筆比我地 ! 貼心 , 抵讚 ! ( 我係 Facebook 都有咁講 , 結果就係被人話保皇黨 ... 點解咁多人係對人唔係對事架 ? 人生果然係充滿無奈 ! )
今年都已經唔知第幾年係機場過 . 我睇住機場既轉變 , 機場亦睇住我成長 . 突然好想重溫一下 TVB 套 "衝上雲霄" . 機場的確每日都發生不同既故事 , 而我亦係其中既一個小配角 . 我好希望轉文職既我可以一直留係依個地方 , 直到我退休 .
沒有留言:
張貼留言