今日開始要連踩七日早更 , 這是去旅行前的代價 .
本來 , 依個月條更好好 , 每星期返兩三日就放一日假的模式 , 但因為某個原因 , 大家條更都要大改 . 怪就只怪所有 Leader 都心軟 , 不想害人無左份工 , 一致決定比多次 training 機會 " 我的最佳拍檔 " . 因為拍檔要重新受訓 , 所以我地所有同事要再一次為佢而改變 ...
衷心希望拍檔有改變 , 否則 , 我地都唔會再心軟 , 小地勤更不會再幫口了 . 機會已經比左你 , 你唔珍惜 , 小地勤也無辦法 . 說不定請個新人返黎重新再教仲快過去改變一個老 Pat Pat .
早更 , 一般返到第三日 , 我就開始頂唔順 , 每朝 0340 就要起身 , 快速刷牙洗臉就披頭散髮衝去車站 , 趕 0400 的巴士 .
每晚我 2100 又未有睡意 , 快極都要 2200 先開始訓 , 日日訓得幾個鐘 , 小地勤唔細架啦 , 老啦 ! 唔化妝 , 對熊貓眼真係嚇死人 .
不過今次無計啦 , 又唔係得我一個慘 , 有同事捱義氣 , 踩十幾日都係咁 , 小地勤都唔好意思出聲呻辛苦 !
今早 , 又再一次晨咁早返到機場 , 展開我的傻顛人生 . 想加入航空公司工作的美女們 , 真係要停一停 , 諗一諗 . 早出晚歸的地勤生活 , 仲辛苦過耕田 .
地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html
沒有留言:
張貼留言