網頁

2014年10月24日 星期五

2014 * 韓國之旅 ( Day 2 - 機鐵 , 弘大 Hostel )

18.10.2014

一早就問同事借了 T-money card , 似香港八達通 . 而剛好大家都有韓 won 起身 , 夾起來夠三個人出市區及吃個早餐 . 相信無人唔知機場唱錢不及市區唱的價錢好 .

** 給大家參考**
當日機場 130 , 而市區 136.24 . 小地勤在首爾機鐵站隨便找了一間就唱錢 .
當時 , 小地勤只唱了 3500 HKD , 唔見佢有收手續費 .

係機場訓到五點先起身 , 成個人都精神曬 ! 執返個樣後就跟住機鐵 Logo 行 , 好快就搵到機鐵站 . 其實佢地 0530 左右已經有車出市區 , 價錢單程不用 3900 won . 因為今次小地勤完全無做功課 , 所以比唔到任何準確資料 ...

韓國機鐵叫 KTX , 對香港人來說 , 坐鐵路完全無難道 .


入閘後 , 未見到車 . 機場係第一個站 , 所以唔會無位坐 . 我地今次住係弦大 , 係同事幫我地訂的 Hostel , 同事化化成日去韓國 , 同間 Hostel 主人好好朋友 . 明明係 Agoda 上睇話無位 , 化化一出聲 , Hostel 主人就答應留位比我地 .


講返機鐵先 , 今時今日既韓國 , 跟六年前轉變很大 . 怎麼以前我唔覺有中文字 , 現在卻覺得遊韓國很簡單 .


由機場到弦大機鐵站 , 大約一小時車程 . 韓國天氣比香港冷很多 , 時間亦比香港快一小時 , 大家要留意 .

因為 Hostel 要成 0900 先有人 , 所以我地先到 Hostel 附近吃個早餐 , 所有店都未開門 , 就只有一個選擇 .

晨早食火鍋及燒豬肉 , 會太過份嗎 ?



食飽飽 , 持住化化同 Hostel 主人熟 , 所以未夠鐘照去 Check-in , 主人知道我地係化化朋友 , 比左間 4 人房我地 3 個 , 唔洗同人 share 房 . 其實我地係 book 左六人房佔一床位個種 , 現在著數左 .  我地係到訓 2 晚 , 大約 200 蚊一晚 . 張床好舒服同乾淨 .


Hostel 主人隻狗仔仲要好得意 , 其實小地勤唔鐘意小動物 , 但唔知點解假狗仔好似好鐘意我咁 , 成日跟住我行 . 佢係唔係好得意呢 ? 成隻公仔咁 !


依間 Moon Hostel 除了每日包早餐外 , 床位都好有私隱 .


最重要係佢 location 超好 , 弦大機鐵站 3 號出口直行到第一個十字路口再向右轉 , 行入條小行就見到佢 . 應該唔洗 5 分鐘就到 .

佢不但位於機鐵站 , 亦係地鐵 2 號循環線 , 交通很方便 . 韓國地鐵有一個唔好既地方 , 就係好多長命斜 , 如果搬行李 , 死緊 . 剛好弘大站係機鐵站 , 所以全程都有電梯 , 真係好適合細細粒既我 !

不過床位好似正係比女仔住 , 男孩子 ... 就無辦法了 .


沒有留言:

張貼留言