旅行前的不快樂

16.10.2014

話說小地勤自從六月大阪之旅後 , 就一直忙暑假旺季及十一黃金周 , 終於捱到旅遊淡季 , 終於搵到機會將兩星期的例假 4 日一次過咁放 . 出發去韓國前 , 小地勤心情超好 , 日日對住客人都係大笑臉 , 本來一直都好順利 ... 直到出發前的一日 , 即 16 號 ...

當天所有航班都好正常 , 幾班大機一起 boarding , 公司要求我地唔做通知 , 為了唔想有乘客被飛機留低 , 貴賓室的同事個個把口同客講唔通知 , 但實質 , 我地見差唔多時候個客仲唔走 , 我地都係死死地氣趕佢地走 .

當時 , 成個貴賓室都被清場了 , 一個客人都沒有 . 正當大家放鬆曬既時候 , 某金卡男人由男洗手間走出黎 . 當時係 1523 , 而金卡男的登機時間係 1455 , 起飛時間係 1535 . 電腦顯示仲有成 4x 個乘客未上機 .

小地勤當時仲好放心 , 正係叫金卡男人跑快點 , 已經最後召集 . 再打電話通知閘口男人的衣著打扮 . 打完電話 , 其實有點唔放心 , 所以都係打算追個男人帶一帶路 .

剛好同事又再打電話問閘口見到金卡男未 . 閘口話已經出現了 . 大家即時安心 .

可惜等左 10 分鐘都未見電腦顯示乘客上機 , 之後就見到乘客記錄上多了一句 " offload at 1530 due late show boarding gate " 小地勤心知今次死定了 .

即時同呀姐匯報及打 report . 好衰唔衰 , 旅行前打個咁既 report , 仲要比呀姐話左幾句 . 當然呀姐有呀姐既道理 , 而小地勤亦有小地勤既道理 .

一向都知 , 唔做通知 , 為保障自己 , 我地每個乘客都有講一次 . 實質 , 我地都唔想呀姐比人開會照肺 , 所以我地都會清場 , 但今次真係特別例子 . 個金卡男人係洗手間 , 我地班女女又點會知呢 ?

只可以講一句 , 小地勤唔好采 , 係當日 in-charge , 只好乖乖打 report 及硬食 .

平日聽完同事講 case , 我都會返去諗下點避免 , 但今次有無人可以比建議我 ? 唔通要小地勤入男洗手間清場 ?

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html