網頁

2014年10月9日 星期四

十月九 * 2014

2014.10.09

2006 年 10 月 9 日 , 第一日踏入中航大廈 , 之後就跟依班人一起 Training , 一起考試 , 一起跟師 , 再之後一起接機 , 一起做機 , 走下又一個 , 走下又一個 . 直到今年 , 堅持到最後的那位同期 , 也 Resign 了 ... 20061009 正式消失於地勤搖籃公司 .

經歷了無數個十月九 , 我們一班同期由當日咩都唔識做到 2 位 Leader , 2 位 Flight Purser 以及 1 位某航空公司負責人 , 轉變很大 . 當日的小地勤全部成長了 . 另外有幾位就轉行了 .

當日大家先廿歲出頭 , 剛剛畢業 , 到現在一個一個準備結婚 , 很高興今日依個特別日子 , 可以比同期炸 ^^ ! 慣口了 , 即使現在已經不同公司 , 但我們永遠是好同期 , 好朋友 .

今天小地勤上中班 , 很順利 , 客數有一點回落 , 又拍到靚腳 , 所以小地勤過了很清閒的一天 .

晚上急急腳跑去巴士站 , 去到老遠的沙田 , 都只係為左跟依班同期食飯 . 小地勤算快 , 1930 先收工 , 2020 就到左沙田了 . 雖然同期飯局因同期 L 個大眼 BB 眼訓而要 2200 散會 , 但今日小地勤真係超開心 !

係機場 , 好容易認識 Hi/Bye Friend , 而感情好少少既 , 一般都係同 Team 既同事 , 而同期 , 因為曾經歷過 Training 的日子 , 所以感情永遠是最好的 .

記得以前 , 不幸被 MP 安排到屎機 , 陪小地勤的 , 永遠都係一班同期 . 即使各自做機的日子 , 在機場某角落相遇 , 心情再差只因見到佢地而變好 .

老土都要講一句 " 友誼永固 " , 希望可以再跟你地渡過接下來的所有十月九 !!!



沒有留言:

張貼留言