網頁

2014年10月9日 星期四

與玉同行

2014.10.10

很多朋友見到小地勤手戴玉扼 ( 其實公司唔准帶 ) , 都會同小地勤講 " 依 D 係老人家既玩意 " , 咁又係 , 時下既人 , 一般都帶 Tiffany 手鏈 , 新潮又好睇 . 雖然小地勤都有條 Tiffany 手鏈 , 但就好少會戴 . 小地勤其實都有少少迷信 , 我好清楚知道自己唔可以戴銀同戴金 , 我曾經無啦啦斷左兩條金鏈 , 之後帶銀鏈 , 起碼斷過 5 條以上 , 最神奇係 , 之後媽媽買左條好粗既銀鏈比我 , 條鏈無斷 , 但每朝起身都要搵返佢出黎 , 明明戴住 , 但每朝都要搵 , 你話奇唔奇怪 ?

想當年 ...

小地勤第一年返機場 ,當時個 office 係三樓落貨區 , 陰陰沈沈 , 更聽聞有機場職員曾經係某暗位被殺 ... 機場唔係每個地方都有 CCTV 的 , 員工又要返夜 , 有時都幾危險 .

記得第一日係 Office 休息 , 當時我係新人 , 怕行入房會見到 Senior , 所以就自己一個人坐左係門口既一間細房到 . 正如我所想 , 裡面轉出移椅子既聲音以及開 Locker 既聲音 , 亦聽到有人講緊野 . 小地勤自成一角 , 無出聲 , 坐係間細房到休息 , 留返大房比 Senior 們 ...

十多分鐘後 , 有另一個比我做得奈少少既同事入左去大房 , 無奈佢出黎細房同小地勤一起休息 , 小地勤就問佢 " 邊位 Senior 係裡面 ? " 同事答 " 無人呀 ... " 小地勤即時心寒 .

第一次守夜 , 我跟一位 Senior 提起依件事 , Senior 正係話夜麻麻唔係講依 d . 唔夠兩秒 , 我地就聽到 Locker 又轉出怪聲 , 嚇到我地唔敢入大房 . 因為守夜正係得我地兩個 , 咁裡面係邊個 ?

之後 , 收夜 , 跟同事再提起依兩件事 , 突然 Locker 既燈又開又熄 ... 我跟同事不停講 " 對唔住 " !

返到屋企同媽媽講 , 媽媽就帶左我去買玉扼 . 曾經有人講過玉唔值錢 , 有人鐘意佢先會有價值 . 當時見到好多玉扼 , 我第一眼就睇中左佢 , 佢就跟左我咁多年 , 好多人都話我隻扼好通透同翠綠 , 仲好有光澤 . 跟旅行團去北京玩時 , 玉器店老闆仲話我隻玉扼係 A 級 , 值 3000 人仔以上 ! 但小地勤只係買左 400 幾蚊 ...

玉有安神定經既作用 , 傳說亦有避邪之效 . 每次當我一個人亂諗野既時候就會望住佢 , 心理作用下覺得佢真係好有效 .

其實人來人往既機場的確充滿人氣 , 但總有 D 少見光既地方 , 小地勤每次都會盡量避開唔行過去 . 寧可信其有 , 不可信其無 ...



沒有留言:

張貼留言