網頁

2014年10月25日 星期六

2014 * 韓國之旅 ( Day 2 - 南山塔 )

18.10.2014

今日天氣好好 , 所以先到南山塔行下 . 六年前 , 跟團來過 , 領隊話好采的話可以睇到紅葉 , 可惜當年一塊也看不到 .

要去南山塔比想像中容易 , 先坐地鐵到忠武路 , 相信唔洗教大家點樣轉線掛 , 香港人咪扮唔識 !


係 4 號出口一出 , 就已經會見到巴士站 , 無錯 , 坐低慢慢等 . 我地就係坐依種巴士上山 . 不過印象中上山時好似唔係坐 505 的 . 麻煩自己到左巴士站再睇一次 .

505 係我落山時坐既 , 因為可以順路去埋明洞 .

印象中一上車就要拍 T-Money Card , 一落車亦要拍 . 點解 ? 我地都只係學其他人 , 有樣學樣 .


 巴士一停底就見到個南山塔 . 依張相令我記起 , 我係坐 502 上山的 , 哈哈 !


 車站旁邊可以看到山下風光 . 訓唔夠既小地勤 , 眼睛一條線 .


 而另一邊既風景就係咁既 . 真係唔好意思 , 因為太奈無去韓國 , 所以今次都算影得多相 . 比個機會我 Post 下相 . 紅葉 ... 你在那 ?


 要行一條大斜路上山 , 喘曬氣 . 看來 , 小地勤真的老了 ... 上山途中的半綠半紅 . 應該過多一兩星期先會看到滿山紅葉既景色 .


終於上到山頂 . 見到幾棵樹有紅葉 , 已經好開心 , 不停咁影呀影 .


近鏡再來一張 .


同行同事話想上個塔 , 所以我地就分開行 . 小地勤畏高 , 留係地面就可以了 . 南山塔另一景點就係一堆鎖頭 .


 旁邊的大心心 , 好多 Love Love .


我雖然訓覺多過睇電視 , 但之前來自星星的你咁紅 , 我都有追 .

都教授 , 你好嗎 ?


影完相見未到集合時間 , 所以去行手信店 , 例行工事買 Postcard , 小地勤蠢左 , 應該買埋郵票 , 攪到事後要四圍搵郵局 .

由韓國寄回香港 , 空郵 400 韓 won 一張 . 大家要記住啦 ! 希望今次唔會寄失啦 !


沒有留言:

張貼留言