今早陽光普照 , 第一站先到中正紀念堂參觀 . 小妹記得以前中正紀念堂個正門叫 " 大中至正 " , 現在就叫 " 自由廣場 " , 感覺是以前既名字比較好聽 .
都唔記得係邊個同小妹講 , 中正紀念堂既樓梯級數係蔣中正既年齡數目 , 自始每回小妹來到此地 , 必定數數看 .
妹妹真係好好運 , 每次都遇到士兵交接儀式 . 表演一開始 , 一堆祖國同胞就不停推推撞撞 , 小妹忍唔住出聲制止 . 中國的確比以前強大 , 國民既教育亦越來越好 , 但點解仲唔識排隊 , 講禮貌 !?
好多時去外國旅遊 , 小妹都感受到人家對中國人既歧視 , 人家總覺得我們沒文化沒教育 , 唉 ... 講真 , 小妹都好希望有一天可以自豪地跟外國人講一句 " I am Chinese ! " 而唔係 " I come from HK ! " .
又係時候吃飯 , 近年台灣鼎泰豐已於香港開分店 , 但小妹還是喜歡台灣夠正宗 ! 係旁邊書店等左個多小時才得以入內 , 妹妹拍板 , 點左小籠包 , 豆沙包以及排骨麵 . 豆沙包其實好好味 , 不過就食到好濟 . 一籠十個並唔小野 !
原來鼎泰豐後面開左一間度小月 , 而且仲比小妹見到有古祖胡椒餅買 , 即刻買返隻食下 . 正如小妹之前所講 , 福州世祖係最好味 , 妹妹亦讚好 !
一心打算吃飽到故宮遊一下 , 但小妹本天書寫故宮五點半就關門 , 所以改去美麗華間誠品書店打書釘兼等摩天輪亮燈 . 當小妹去到美麗華先發現今天係星期六 , 故宮開放到八點 ... 故宮有緣再會 !
摩天輪係好多部台劇既拍攝場地 , 印象最深刻係可愛教主個套換換愛 !
美麗華有免費接駁車回士林夜市 . 因此 , 小妹晚餐就在士林解決 . 士林夜市既外型好似香港既街市 , 內裡有小食店 , 又有賣金魚以及遊戲攤檔 . 豪大雞排聞名中外 , 當然要一試 , 但找不到龍尾 , 因此決定放棄 .
今天是星期六 , 士林人頭湧湧 , 小妹買了柸蜂蜜苦瓜 , 再隨便找間小店坐下 , 終於吃到令小妹再三回味既花枝庚 , 嘗了出名既臭豆腐以及街頭炒米粉 . 講真 , 跟其他夜士比較 , 士林食物價錢比較貴 !
士林人實在太多 , 幫朋友買了爆谷後 , 小妹都急急腳離開 , 改去附近逛 . 好開心發現韓國品牌 Etude , 想不到佢已登陸台灣 , 以後不用再找朋友到韓國買了 ! 此品牌很不錯用喔 , 特別是臉膜在韓國買 HKD 4 一塊 , 平靚正 . 每回有朋友到韓國 , 小妹都會叫她們幫我帶二 , 三十塊回港 !
在 Etude 逛了一個小時 , 買了一堆洗臉以及 BB Cream . 價錢當然沒韓國便宜 , 大約貴 20 - 40 % , 沒法 , 香港沒有 , 再貴也要買 ! 但怎計也比其他韓國品牌便宜好用 ! 希望 Etude 快快登陸香港啦 !
由於買了一堆東西 , Etude 送了幾件贈品 , 就是台北出名既獅子頭品牌甜甜圈 , 超好味 ! 香港以前亦有一間甜甜圈專門店 , 外型雖然討好 , 但那種甜 ... 真是有點過火 , 結果就無聲無色地消失了 .
轉眼間明天又要回香港 , 有點不捨 . 累 ... 仍要回 Hostel 寫一堆明信片 .
沒有留言:
張貼留言