今早毛毛細雨 , 所以先去有瓦遮頭既國父紀念館參觀 . 睇過十月圍城先黎國父紀念館感慨良多 , 為左一句 " 革命尚未成功 , 同志仍須努力 " , 死左幾多人 ? 破壞左幾多個家庭 ?
每逢正點 , 紀念館都有士兵交接儀式 , 但相對白金漢宮既禦林軍表演 , 就真係無咩睇頭 , 所以妹妹睇左一陣就已經喊走 . 回想 N 年前亦曾到此館參觀 , 仲好白痴咁將紀念館既紀念印章印係本護照上面 , 結果付出慘痛代價 .
逛完一圈出來 , 整個人既心情變得好沈重 . 天一直下毛毛雨 ...
記憶中 , 度小月既食物係非常味美便宜 . 講真餐廳沒有太大改變 , 仍舊給小妹一種古時客棧既感覺 . 食左個肉躁飯 , 肉躁麵以及職員推介既黃金蝦 , 似乎味道不及從前 ! 本來打算買幾罐肉躁回港慢慢吃 , 但東西買太多 , 實在不想拿著大包小包四圍逛 . 但小妹還是大力推薦 , 度小月肉躁作手信確實一流 !
度小月前面有一商場 , 好似叫明曜百貨 , 小妹好鐘意食飽就入去逛一下 , 結果比小妹發現義美食品做推廣 , 並八折發售 . 義美蜂蜜味蛋糕出名好味 , 小妹每回到台北都會買一堆回家 , 現在家中多了一個小靈精 , 當然要買一堆給她作早餐 .
台灣天仁茗茶四處都有專門店 , 但價錢比靠貴 , 當然貴價貨是要買回家中慢慢品嚐 ! 小妹跟妹妹都是好茶之人 , 眾多茶包之中 , 小妹最愛天仁原片綠茶茶包 , 跟那些茶葉碎茶包味道原全不同 . 旅行前 , 在某網站得知超市賣的天仁茶包比專門店的便宜 , 所以小妹在明曜地下超市買了很多很多 , 相信夠喝一年吧 !
每次訪台 , 小妹除必喝麥茶 , 木瓜牛奶以外 , 還有蘋果 soda . 今次亦沒有例改 , 買了一罐晚上寫日記時慢慢喝 . 最瘋狂是給小妹發現有大支裝 , 所以就搬了一支回香港 , 原來很重喔 !
拿著一堆堆蛋糕和茶葉繼續向地下街進發 . 小妹很喜歡台北地下街的概念 , 四通八達 , 有瓦遮頭 , 就算下大雨也可以四圍逛 .
下午三點多 , 天氣轉好 . 小妹跟妹妹繼續大包小包的來到五分舖買衣服 . 整個五分舖都係賣衣服 , 花多眼亂 , 都不知從何逛起 ! 假如五分舖有行李寄存服務 , 相信小妹會買得更盡興 . 由於手上東西太多 , 逛了一會已經沒心機挑下去 , 早知就唔買咁多野啦 !
五分舖賣的東西真的超便宜 , 但要便宜又好看的就要自己慢慢發掘 . 最近家中多了一個小孩子 , 小妹跟妹妹看到可愛東西都會想起她 , 結果小靈精就大豐收 .
逛五分舖時 , 見到一賣台灣飲品的小店名叫 " 快可立" . 小妹還記得很久很久以前 , 玩過一個名叫快可立瘋狂搖搖柸電腦遊戲 , 當時小妹每天也在轉研如何製作出一柸味美既飲品 . 看到這間小店 , 怎能唔買柸飲品 ? 我兩買了台灣名揚國際既珍珠奶茶 , 果然好味 !
根據旅遊書介紹 , 五分舖對面係繞河街夜市 . 小妹對繞河街福州世祖胡椒餅情有獨鐘 , 每回都在台北火車站那邊店買來吃 , 今次決定到老店一試 . 來到繞河街見人人都買門口那間胡椒餅 , 心諗一定係依間最出名 . 吃過後 , 發現味道跟以前有點不同 . 眼尖的妹妹發現我們買錯了 , 因為再前一個舖位人龍多到遮住左間舖 , 所以未被我們發覺 ...
講真吃了一個胡椒餅已經飽到吃不下其他地道小吃 , 決定打道回府 . 奇怪地 , 把大包小包放下後 , 精神為之一振 ! 妹妹建議轉戰華西街觀光夜市參觀 . 這幾天常常見到路人拿著 1000 cc 既珍寶飲品經過 , 今天我們也買了一柸珍寶裝蜂蜜綠茶一試 , 是偏見嗎 ? 總覺得台灣的台式飲品比香港好飲 !
華西街夜市人流不多 , 反而前面既橫街小食店就人頭湧湧 , 非常熱鬧 ! 今天吃到的魷魚庚不及昨天的好吃 , 但炒火粉就比昨天的好吃很多 . 來過台灣 N 次 , 卻第一次吃燉掛骨 , 味道不及小妹媽媽煮的好 .
小妹今時唔同往日 , 假少人工少 . 要再去台灣都唔知要等到幾時 ? 今次一定要吃盡佢 , 玩盡佢以及要試新野 ! 就係咁 , 逛完華西街 , 小妹係康是美再買左幾盒傳說中好用到不得了既森田臉膜試下 , 價錢比美麗日記貴少少 , 但咁多人讚好 , 貴都要試下 !
沒有留言:
張貼留言