由 Hostel 大廳望出街外 , 陽光普照 , 天朗氣晴 , 決定行程有變 , 先到野柳一遊 ! 前往野柳方法簡單 , 先由台北車站坐火車到基隆 , 再轉公車前往 , 全程可以使用悠遊卡 , 但緊記坐公車時上 / 落車都要拍卡喔 ! 小妹可是第一次在台北坐捷運以外既交通公具 , 感覺很新鮮 ! 基本上坐火車到基隆完全無難道 , 唯一比靠困難係搵月台上車 , 正所謂路在口中 , 放膽去問啦 ~
來到基隆已經成十二點鐘 , 我地係車站外一間小店吃了甜不辣 , 這個台灣小吃常常出現係小說或台劇中 , 小妹今次終於吃得到了 ! 原來甜不辣係指佢個醬汁有甜醬同辣醬 , 再加一碗魚蛋 / 豬紅 / 冬菇 / 蘿蔔等食物 , 小妹一直以為甜不辣係台語名稱 , 唔吃過都唔知咩回事 .
出左火車站再上天橋 , 係橋底就有公車去野柳 . 搭公車唔知邊個站落車 , 但司機都好好人 , 總會提醒小妹跟妹妹 , 所以不用擔心 . 根據 06 年版本旅遊書指示 , 一落公車會見到前面有一棟黃色建築 , 旁邊有條大路轉入去直行就會搵到野柳地質公園 , 估唔到本書 N 年前買 , 但介紹得咁詳細 . 行左大約 20 分鐘就到左 !
剛買完票就開始天陰陰 , 一進入地質公園就落大雨 , 有無攪錯 !? 好彩小妹跟妹妹都習慣有遮旁身 .
可能為左保護出名既女皇頭 , 地質公園既建設跟小妹書上顯示的有很大分別 . 女皇頭早就不用站在海邊接受風吹雨打 , 地質公園種左好多樹將佢重重包圍左 , 唉 ... 這叫做保護定破壞呢 ??
一來到海邊 , 雨就停左 ! 眼前所見全是奇形怪狀既石頭 , 一堆一堆堆係大塊石上 .
好奈無見過真真正正既大海 , 好大好大既浪花 ; 風好大 , 頭髮都吹亂了 . 小妹沿著海邊慢慢行 , 慢慢欣賞大自然既傑作 , 十分寫意悠閒 !
地質公園旁邊有個小市集 , 買既都係發菜 , 白飯魚 , 魷魚乾等等 . 妹妹說這裡好似流浮山賣既野 , 無咩特別 . 但小妹覺得一場黎到都要逛一逛 , 見妹妹無咩興趣 , 逛完一圈就趕回車站 , 因為個天又開始想落下啦 ...
等公車回基隆時 , 遇到一個可煩人既的士叔叔 . 佢想做小妹生意 , 但小妹只係普通打工仔一名 , 何來這麼多錢浪費 ? 婉拒唔見效 , 唯有直接拒絕 : 大佬 , 我坐公車都唔洗 50 蚊一個人 , 你架的士要 300 蚊 , 我唔識路返基隆就話坐你車 , 我都企左係車站到等緊公車 , 坐你車把鬼咩 !? 點知個叔叔話我兩出黎玩都唔捨得洗錢 ... 小妹同妹妹果然係同一個媽媽生 , 兩姐妹都係慳妹一名 !
一上車就開始落雨 . 半個鐘後 , 就返到基隆橋底下既車站再坐公車去九份 . 根據小妹本 N 年前旅遊書介紹 , 九份到七 , 八點都仲有人 , 所以相信四點先去 , 五點到都仲趕到 ! 果然五點前小妹就到左九份 , 上山途中已心知不妙 , 超級大雨 , 一落車已經全身濕曬 ... 好掃興 !
本天書介紹道口牛肉麵好好味 , 所以我地叫左碗試下 ! 但好奇怪地 , 小妹既餛飩原來肉同皮係分開架 !
小妹最欣賞既係薑汁芋圓頭花 , 淋過雨成個人好凍 , 薑汁正好驅寒 ! 吃飽飽都無咩心情行街 , 九份老街有部份地方無瓦遮頭 , 落雨落成咁 , 點行 ? 買左鳳梨酥 , 心想事成小天燈以及一堆黑橋牌食品 , 買夠就閃人 . 停留時間竟然不足一小時 , 點解要落咁大雨 !?
小妹仲以為去唔成基隆夜市 , 但好神奇地一返到基隆就停雨 ! 第一次去士林以外既夜市 , 感覺基隆夜市似香港廟街 . 試左好出名既廟口天婦羅 , 地道小食魷魚庚 , 炒米粉以及小妹至愛炸地瓜球 . 行左一陣就坐火車返台北 , 係車上見到有人食便當 , 如果小妹唔係食得太飽都好想買盒試下 ! 見到個便當就想起小時候跟爸爸坐火車回鄉下既事情 , 好懷念小時候無憂無慮既生活 . 人長大了 , 煩惱特別多 ... 一日又完結了 ~
沒有留言:
張貼留言