離職後的頭兩星期 , 每天也是睡到天昏地暗以及忙旅行前既資料搜集 . 接著在歐洲玩了兩星期 , 一回港就忙著跟朋友聚會及派手信 , 三年多既地勤生涯把小妹的時間都霸佔了 , 真的很久沒有跟機場以外既朋友逛街吃飯 !
又這樣忙了兩個多星期 , 不經不覺沒上班已經一個半月了 . 開始覺得呆在家中悶得發慌 , 錢 , 小妹不是沒有 , 只是生活模式跟以前不同 . 沒工作 , 總擔心生計 , 再加上錢總有花光的一天 . 看著户口既錢有出無入感覺難受 .
最近兩星期開始搵工 , 小妹要求唔高 , 只希望星期六 , 日以及紅日放假 , 最好就近近地 , 人工最少要有 9K , 又唔洗點做野 , 就最好啦 ! 結果後日就開始返工 , 而且符合小妹既要求 , 只可惜大假得七天 , 那是否代表小妹以後唔可以去歐洲玩 ?
小妹自知好命 , 搵工算快 . 好多朋友都說搵工難 , 人工又唔高 , 要 IN 好多次先成功 . 講真小妹見工次數好少 , 小妹一畢業就做散工 , 半玩半做左一年 , 就入左機場做 , 做左年幾又去左學生資助處做 , 做做下又返去機場到做地勤 , 一做就做左三年幾 ... 時間同青春都比曬香港機場 = = ! 終於可以搵到份休息下既工 , 希望做到嫁人就唔洗做 . 唔知大家有無男仔介紹呢 ? 嘩哈哈 ...
沒有留言:
張貼留言