唔經唔覺就離開左機場兩個月 , 又唔經唔覺咁做左 OL 兩個星期 . 做 OL , 時間 , 收入 , 工作都好穩定 , 好適合現時既小妹 , 既可以休息 , 又可以搵錢 . 但小妹真係犯賤 , 坐唔定 , 話咁快又覺得新工好悶 .
人就係咁矛盾 , 又想搵份唔辛苦既工 , 但又厭悶 . 小妹好明白 , 以小妹既條件 , 再轉工並唔係好事 , 所以在舊公司邀請下 , 決定返去做 Part-time , 既可以搵多點錢作下年歐遊之用 , 又可以為悶到發荒既生活加點色彩 , 十萬個理由 !
由於小妹套制服係離職時就還左 , 所以依兩日返工好似新同事咁著自己衫 . 又因為無制服既關係 , 未能到閘口做機 , 只可以教書 . 帶住一班新同事遊機場 , 一路遊 , 一路教新同事如何接機 , 如何面對突發事情 , 講真好似帶遊學團咁 !
以前返工 , 每日工作時間長 , 又唔穩定 , 個人心情好煩躁 , 好多時對客人既態度亦一般般 . 今次返機場 , 我變得好主動 , 好想幫人 , 簡直好似初初入職時咁有熱誠 !
小妹好希望可以早日攞返套制服做機 , 好希望可以用返以前個 locker , 好希望每班航機準時起飛準時到港 , 更加期待每個星期六既到來 !
沒有留言:
張貼留言