同工唔同酬既憤怒

2010年7月25日上午10:11公開累積瀏覽 1040 11                    

地勤依行其實幾好玩 , 雖然有時返工返到好辛苦 , 但同事與同事之間真係好有 Team Work . 做埋同一隻機 , 再唔鐘意你 , 都未至於睇住你死而唔幫手 ! 最近成日見到舊同事怨氣衝天 , 天氣唔好 , 客人麻煩 , 對佢地黎講根本無難道 , 但公司高層所做既事真係令人髮指 !

市道唔好 , 完全無通知同事一聲 , 突然之間將我地既津貼 Cut 左 , 話要大家幫幫手共渡時艱 ! 市道轉好 , 公司高層亦無打算回復之前減左既津貼 , 直到同事無聲抗議 , Landside + Airside 三個月走左成 100 人 , 公司先話加返 .

最近 , 同事工時長得可怕 , 早上五點返工 , 收下午六點半 , 仲話要 Hold , 人黎架 , 要休息架 , 佢地唔明 ! 當然唔明啦 , 佢地坐 Office , 飛機準點都已經唔見人 , 更何況大 Delay ? 做高層真好 , 咩都唔洗做就有錢收 !

剛剛睇 Facebook 見到同事話要集體 Resign 迫公司 , 將 OT 錢加到 1.5 . 如果我仲係 Full time , 我都實參與 . 高層為左吸引多些舊同事返工 ( 轉左做 Part-time , 即小妹 ) , 決定用錢掟人 , 只要 Part-time 肯返工幫手 , OT 加到 1.5 , 即係成 75 蚊一個鐘 , 好吸引 ! 亦即係迫做緊既同事 Resign 轉 Part-time ! 高層究竟有無腦 ?