最近 , 小妹的外婆走了 ... 講真 , 小妹幾年才見一次外婆 , 但可能見到呀媽唔開心 , 所以小妹個心都拿住拿住 . 祝外婆早日安息 !
第一個離開小妹既親人係外公 , 接住係外婆 , 但兩次小妹都只係知道而已 , 連睇都無睇到佢地一眼 , 佢地就走左 . 所以並沒有太深刻印象 , 但少少唔開心就實有 , 始終都係自己親人 , 感覺世界上又少左一個真心對小妹好既人 !
記得今年新年 , 小妹係機場第一次遇到死人 . 原來死左既人就好似訓左覺咁 , 無曬反應 . 記得當日既航班係泊係火星大樓某閘口 , 小妹睇住個客慢慢咁行入飛機到 , 無奈空姐走出黎通知話個客唔舒服 , 小妹同事走左入去睇 , 接住打出閘口搵幫手 .
當時小妹帶緊新同事 , 而小妹又最 Senior , 所以入左去睇下有咩幫手 . 入到去見到個女乘客無曬反應 , 口邊仲有一串口水 , 手指頭紫色 , 小妹見唔對路 , 即刻通知機管局 , 再由佢地叫白車 . 可能大家覺得好奇怪 , 電視劇情唔係應該由空姐幫乘客進行急救 ? 實情係班大陸空姐視人命如草芥 , 將個客搬出飛機 , 再關門走人 !
要知道 , 小妹都只係一個普通女仔 , 無學過急救 , 打電話比機管局安排係最正確做法 , 因為打 999 係機場係無用架 ! 第一次見到一個活人死係小妹臉前 , 第一次見到救護人員幫人做急救 , 係咁電個客 , 個客都無反應 ...
之後就話個客死左 ... 估唔到小妹新年流流會遇到依種事 , 當時真係好震撼同好驚 . 有些同事做左十幾年都未試過帶客去酒店 , 未試過跟白車 , 未試過遇死人 , 反觀小妹做得個三年半就遇過曬 ... 點解要咁對我 ?
沒有留言:
張貼留言