網頁

2013年12月16日 星期一

帶媽咪衝出香港@獅城探親記 ( 第二天 )

2012年4月11日上午4:16公開累積瀏覽 1850
今天由大表姐做嚮導 , 載我們四圍去 . 最開心同行仲有 Emma BB , 超可愛 , 超好玩 ! 趴係到依位小豆丁就係 Emma BB , 佢只有 15 個月大 , 但超喜歡唱歌跳舞 , 個樣又 " 鬼鬼 " 地 , 成個公仔咁 ~ 同佢出街街 , 成日比人 " 聊 " , 可想而知佢有幾得意啦 .



第一站係到大表姐家中參觀並 Hea 下 . 新加坡既人要買樓好容易 , 首期係由你份強積金到攞出黎既 , 所以人人買樓無壓力 . 你睇 ! 個客廳幾大 , 個飯廳一樣係咁大 , 有三間房 , 兩個洗手間 , 兩個儲物房 , 一個大廚房以及一個露台 ... 係香港要幾錢 ? 一間咁大既屋竟然係 " 居屋 " !! 住政府樓都住得咁豪 ... 那一刻 , 我先想起 , 其實我都有份強積金 , 但點解我買唔起樓 ?? 香港政府可唔可以比個答案我 ??



午餐時間到 , 全是新加坡地道美食 , 小妹不要吃旅遊書介紹的 , 出名自然貴 , 亦未能有溶入當地既感覺 . 普通的食角 , 超多選擇 , 小妹的海南雞飯 ,只賣 HKD 20 , 平到笑 !! 味道亦很不錯 , 吃到一粒飯都無剩架 , 哈哈 ~ 另外兩樣都好好味 , 亦都是超抵食 . 出外旅遊多了 , 對 Shopping , 吃出名的 , 都沒太大興趣 , 反而想去多一些當地人常去的地方見識見識 .



第二站遊花園 , 植物園是免費開放 , 但要看新加坡國花就要比錢啦 . 其實今次旅程沒拍太多相片 , 一來新加坡沒什麼好看 , 二來換了新相機 , 還在摸索中 , 三來媽咪唔識用我部相機影相 , 而今次行程主角唔係我 ... 哈哈 !

天鵝湖與我 ~



要入去睇新加坡國花 , 要付出 SIG 5 , 裡面好多花 , 仲有好多溫室 , 鐘意花既朋友應該覺得好抵 !



見到隻松鼠 , 好鬼得意 ~



講真 , 新加坡雖然成 32 度 , 但唔太熱 , 氣候好好 , 空氣亦好好 , 到處都係花花草草咁 , 係到生活應該唔錯 ! 我地好好采 , 一遊完花園 , 上車 , 就開始落大雨 ! 不過 , 表姐話新加坡落雨 , 落一陣就停 , 所以照去第三站探下漁尾獅 . 好奈好奈之前同細佬黎過一次 , 當日天氣好好 , 漁尾獅要帶黑照 , 今日天陰陰 , 仍無帶照 , 我先見到佢對眼 , 原來佢個樣好恐狠 @@ !

我與媽咪 , 到此一遊 !



晚餐在姨媽的小餐館攪掂 ! 姨媽的 " OK 店 " 是賣廣東菜 , 一到晚飯時段就忙到飛起 , 仲要煮比我地兩母女食 , 真係辛苦曬 ! 幾年前黎過 , 但每次去都掛住食 , 今次終於記得影返張相留念啦 , 哈哈 ~

賣下廣告先 , 黎新加坡記住黎 " OK 店 " 食晚飯 , 一個字 " 正 " ~ 地址 ... 唔知道喔 ...


好大隻 龍蝦 ! 兩個表姐一知道媽咪要黎新加坡 , 就輪流請假帶我地去玩 , 仲買左隻 龍蝦 比我地做晚餐 , 多謝曬 ! 打攪曬啦 ~



咁又過左愉快既一晚 !

沒有留言:

張貼留言