為左個台灣之旅玩得開心 , 玩得盡興 , 小妹食左個七日情 . 何謂七日情 ? 簡單黎講一星期返足七日工 , 無假放是也 !
依兩日既地勤生活忙碌到嘔 , 可能因為佳情前夕掛 , 隻隻機都爆滿 , 真係做死小妹 ! 某隻前往南京既飛機 , 係起飛前十分鐘 , 最後一位乘客黎到閘口先話要 CANX FLT , 理由是有急事要留港久一點處理 . 都唔知係個客好采 , 定係小妹唔好采 , 剛好依隻南京機既掃把出名 helpful , 結果小妹帶住個客由天國的盡頭行返去老遠既服務櫃檯 . 講真 , 個個客都話有急事 , 就真係做死同事 , 又要搵行李 , 又要幫佢重新訂機位 , 仲要帶住佢直到永遠 , 慘 !
雖然個國語人好好傾 , 但當小妹知道佢所謂既急事竟然係唔記得幫屋企人買部 notebook 個刻 , 真係好驚訝 , 驚訝於依個世界上竟然有如此自私既人 . 小姐 , 你可知道你既一句有急事 , 害一百多名乘客在飛機上等你 , 仲差點害小妹架機 Delay ! 到晚上 , 小妹得知該名國語人於處理完私事後 , 由於其後航班爆滿 , 結果要留在機場直到第二天才有得上機 , 這算是上天給她的懲罰吧 !
別以為國語人才會這樣自私 , 小妹深明天下烏鴉一樣黑既道理 ! 航班起飛前五分鐘 , 本地小姐才慢慢咁走到閘口 , 接著講左句 " 哎呀 , 早到左五分鐘 tim ! " 小妹真係想問佢一句 , 你唔識德文都識英文掛 ! 大大隻字寫住閘口於航班起飛前十五分鐘關閉 , 你係遲到左十分鐘呀 ! 大姐 !
這些事情日日發生 , 無分種族 , 無分國界 , 唉 ... 小妹真係好唔明 , 既然去得旅行玩 , 點解唔早少少出門口 , 你試下同小妹講你窒車遲左黎 , 你睇下小妹仲采唔采你 ? 心諗抵你死啦 !
奉勸大家一句 : 早點到機場 , 意外既事係估唔到 , 預得太盡 , 去唔成 , 無得玩果個係你 , 浪費左個假期都係你 , 補錢買過張機票又係你 .
奉勸大家一句 : 早點到機場 , 意外既事係估唔到 , 預得太盡 , 去唔成 , 無得玩果個係你 , 浪費左個假期都係你 , 補錢買過張機票又係你 .
百害而無一利 , 何不早點到閘口等飛機 ?
沒有留言:
張貼留言