紅日必現身 ~

2010年10月1日下午10:29公開累積瀏覽 730 6                    

今日十月一號 , 小妹又再現身機場 ! 好諷刺地 , 即使小妹既新 Password 好易記 , 但到現在都係記唔住 , 可能小妹太念舊情啦 , 永遠懷念舊 Password ... ... 可否用返舊 Password , 可否用返舊 Locker ??

見到自己既 Duty 都覺得 MP 厲害 ! 點解可以咁 " 琴 " ( 註 : 公司術語 - 忙碌 / 趕急 )  ? 十個鐘裡面 , 一個鐘頭係飯鐘 , 另外九個鐘跳六隻機既 Controller ( 即係大家成日係 Boarding gate 到見到收飛個位小姐 ) , 好奈無試過咁瘋狂啦 !!!! 小妹做左三隻大機 , 三隻細機 , 總供講左四百幾次 Have a nice flight 以及二百多次既 Hello / Bye ... ... 好彩全日都係做 Deaparture , 如果唔係就要加多三百幾句 Wellcome to HK / Belt no X for your baggage plz ! 真係成個星期都無講到咁多野 ! 勁 ~

講返今日紅日 , 唔單只小妹現身機場 , 好多做緊文職而又係公司做 Part time 既同事全部現身 ! 以前勁想放紅日 , 依加一有紅日就想返工賺錢 , 估唔到小妹都有咁既一日 ! 從前那個一星期放唔到兩日假就會燥底請病假既小妹已經唔見左 ! 依加既小妹想搵錢再搵錢 ... 目標 - 明年再戰歐洲 !

小妹最近發現多左人黎睇小妹個日記 , 所以講野都要小心 , 哈哈 ... 親愛既 MP , 希望你以後都唔好安排小妹做 GSD , 小妹最鐘意做 Controller A , 一來小妹唔想拖住個篋去閘口做機 , 二來做 Controller A 唔洗跑來跑去 , 就算要小妹講一千次 Hello / Bye , 小妹都願意 !!!

另外 , 發現機場多左好多新野 , 如 9C 航空 , 個名超奇怪 , 叫做春秋 ( 戰國 ? ) 囉 ! 仲有今日係中東某航空 A380 首航 , 是公司負責既第二架 A380 , 聽聞有 SPA 以及 MINI BAR , 有錢航空的確唔同 ... 擔心 , 擔心小妹既德仔終有一日飛隻 A380 過黎 , 小妹唔敢想像做四百客既滋味係如何 ! 相信會好恐怖 ... ... 但同一時間都有少少期待 , hehe ~