新制服

2010年11月16日下午12:34公開累積瀏覽 7742

唔知大家有無留意到最近好多航空公司都換左新制服 ? 以小妹公司為例 , 大約每隔兩年就會換制服 , 可能轉顏色 , 可能係轉款 , 亦有可能只係轉布料 , 總之每兩年就要攪攪新花臣 .

年頭時 , 一直有傳公司年尾換制服 . 傳聞是橙加綠既巴士呀姐套裝 . 最近從掃把口中得知確定是 " 紅白藍 " . 今天 , 終於在同事 facebook 見到新制服款式 , 掃把級別的製服還可以接受 , 但一眾散仔既制服顏色完全九唔搭八 , 藍色外套配灰色西裙 , 仲要藍色衫內有條白色圍巾 . 好醜樣呀 !

如果小妹仲有機會換新制服 , 實 post 上網比大家睇下 ...