每年一到秋天 , 地勤公司就會攪大閘蟹宴 ; 聽說 , 今年無左聲氣 . 公司近年越做越大 , 但福利卻越減越少 , 大財團一分鐘幾千萬上落 , 但就看重於幾十萬津貼 . 公司搵到錢 , 難道同事沒有付出嗎 ? 地勤公司終於成立工會 , 成效如何 , 暫時是一個迷 , 但肯定新一輪航空工潮即將出現 , 前線員工已經不想再任人宰割 , 我們是人 , 不是機械人 !
說回那個飯局 , 一個字 " 抵 ! " . 小妹跟三位舊同事於美麗華東海吃了一頓愉快的晚餐 , 每位只需 280 , 包兩隻大閘蟹以及其他小吃 . 基本上吃不完 , 因為一隻蟹已經把小妹的胃填滿了 .
三個女人一個墟 , 更何況四個女人 !? 今次話題圍繞著一班九十後新同事 . 作為八十後的小妹也曾經當過新人 , 亦曾經教過不少新同事 , 有感一蟹不如一蟹 ! 小妹明白功多藝術 , 熟能生巧 ; 做錯就企定 , 預左被人鬧既道理 . 只要肯學肯做 , 總有出頭天 . 以下是席間聽回來以及自己的親身經驗 .
公司的證件帶由幼帶轉了做粗帶 . 自認聰明的新同事以證件帶來識別誰是 Senior , 他們很懂得人情世故 , 知道得罪 Senior 會沒好日子過 , 但他們又是否明白 , Senior 也可以跟公司換一條新帶 ? 結果 , 多位 Senior 被新同事問 " 未見過你 , 新黎架 ? 幾時 DOJ !? 相信他們不是出於好奇 , 而是想點新人做野 ! 有無攪錯 ? 自己都咁新 , 仲想學人大蝦細 !
見工時明明話鐘意做講 Team Work 的工作 , 實質是 " 我係 AB ( Assist Boarding ) , 我只會叫客排隊 , 唔洗 Check 證件 . " 將心比己 , 如果有人跟你說相同的話 , 你會有何反應 ? 大家做同一隻機 , 坐同一條船 , 快快手做完所有事 , 早少少走不好嗎 ? 為何要分得那麼清楚 ? 做新人有機會比你學習又不去學 , 到時要你做又說沒人教 , 都唔明依加小朋友諗咩 ?
做錯事被師傅鬧正常不過 , 有那個新人沒給師傅鬧過 ? 唔鬧唔識大 ! 有必要用 Resign 來威脅高層鬧返個師傅嗎 ? 這裡不是要探討師傅是否無理取鬧 , 但正所謂一日為師終身為師 , 讀左咁多年書都唔明尊師重道 ?
航空公司既 System 越出越醒目 , 回想幾年前 , 電子機票不流通 , 中國台灣上空未接通 , System 唔識 Hold 住有問題的乘客 . 點解當時沒有這麼多錯 ? 電腦提示你個客有問題都可以照放 , 想唔話你發緊夢都唔得 !
唔睇下有無行李牌就照收架 BB 車 , 仲要駁嘴 " 你叫我收車 , 又無叫我 Check 行李牌 ! " 真係要踢一腳先行一步 ? 又係個句 " 師傅無教我 ! " 人地無教定你無聽 ? 大家心知肚明 . 收多左件行李可大可少 , 班機分分鐘 Delay , 害人不淺 !
公司福利不夠好 , 迫走了一堆舊人 , 新同事未能上手 , 害死一班睇機及掃把 . 明明一隻八十客也沒有的細機 , 都可以忙到好似做緊隻 747 大機似的 , 想起都恐怖 . 各位公主王子 , 工作時請認真別偷懶 ! 多謝合作 !
沒有留言:
張貼留言