三日兩夜日本沖繩 Okinawa 自駕之旅 ( 玉泉洞 ) * 2015 二月

11.02.2015

雖然小地勤去過好幾次沖繩 , 但都無黎過玉泉洞參觀 . 今次真係要黎開下眼界 .

玩完所有野先黎玉泉洞慢慢行 .

入去前 , 佢地又會幫你係門口影相 . 當然之後都係會收錢 , 好似都係 1100 Yen .

其實真係無諗過玉泉洞係咁大 , 同咁黑 . 要遊完依個地方 , 快極都要大半個鐘 .

佢係日本第二大規模的鐘乳石洞 , 亦算係沖繩南部最值得推薦的景點之一 .

首先要行好長既樓梯 , 去到地底深處 . 依到好熱好焗 , 濕氣好重 , 令人好唔舒服 .

聽聞鐘乳石本來係生係水中 , 睇到依個以前既水位 , 我的確相信 . 男友話上次佢夏天黎依到 , 好凍 . 今次冬天黎 , 反而好熱 . 怪唔知得以前既人要住係洞穴到 , 可能因為冬暖夏涼 .

 

我都唔講咁多 , 大家睇相啦 .

終於行完依個玉泉洞 , 可以去返一個充滿陽光既地方 . 其實行緊既時候 , 唔知點解好擔心鐘乳石會突然斷左 , 打中自己 , 有咁既諗法 , 係唔係好傻仔 ?