踩足六晚 , 人都癲 ! ( 上 )

18.02.2015

今日年三十 , 放假 ! 十級開心 , 因為可以正日食團年飯 . 對一個地勤黎講 , 放到正日同中六合采一樣咁難 .

小地勤依六晚 , 晚晚都返工返到想訓覺 . 早就零晨三點 , 遲就零晨四年 , 無論幾點都好 , 第二日都準時下午四點返工 .

第一單 : ( 因禍得福 )
大 Delay , 因為上海空中管制 . 十年難得一見 , 最夜曼谷航班竟然超多害 , 更遇到有 Onward 的父子 . 外國父子一聽到 Delay 左 1.5 鐘笑住咁發難 . 依種人係最難攪 !
乘客唔體諒 , 正常 . 公司各部門同事 Hea 我 , 最傷心 . 自己人都唔幫自己人 , 但對出面同事黎講 , 做貴賓室的小地勤係不屬於佢地既一份子 .
小地勤只係一個傳聲筒 , 坦白講 , 唔一定可以幫到佢地父子 . 臨走時 , 外國爸爸問小地勤攞 Name Card , 仲擔心佢想投訴我 .
依個時候 , 外國爸爸竟然叫左一個有 Permit 既人黎比卡片小地勤 , 一睇 , 真係比佢嚇死左 . 原來爸爸係 DFS CEO . 那個有 Permit 的人是當日經理 , 專登黎比卡名小地勤 , 並加一句 " 大老闆好想請你 , 你行運了 ! "
事後 , 小地勤好開心咁係 Facebook 提起依件事 , 好多朋友都叫我唔好諗 , 難得機會 , 快轉工 . 可是小地勤太懶 , 暫時唔想有改變 .

第二單 : ( Honeymoon 大曬 ? )
一個外國男人 + 一個中國女人 , 得出結論係 " 無賴 " .
Bali 航班 Overbook , 而佢地又 Honeymoon , 所以同事將佢地 Upgrade . 佢地就覺得自己可以大條道理咁入黎貴賓室 .
經常遇到乘客被 Upgrade 而唔知 " 無包 Lounge " , 好多時 , 小地勤解釋完 , 佢地都會好明白咁離開 , 而唔會找我地麻煩 .
今次依對 " 無賴 " , 竟然問小地勤幾錢一日 , 小地勤答約 400 幾 , 結果佢叫我幫佢地兩個比錢 , 小地勤問點解 ? 佢地就答 , 因為佢地係 Honeymoon , 如果我唔幫佢比錢 , 就投訴我 , 都痴痴地 !
小地勤開始扮聽唔明英文 , 九唔搭八 , 之後正笑講 Sorry , 迫走佢地 . 
但收工時 , 發現兩個 " 無賴 " , 企左係樓上門口守住 , 好采有同事通風報信 , 小地勤易容 ( 唔化妝兼戴眼鏡 ) 走人 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html