踩足六晚 , 人都癲 ! ( 下 )

18.02.2015

Delay 的日子 , 總會遇到一大堆無賴 !

第三單 : ( 外國無賴 , 這麼多 ? )
又遇到一個外國人 , 仲識講國語 , 小地勤想扮唔識聽英文都難 .
依位無賴攞住第二日既貴賓室入場卷 , 死都要今日入黎 , 仲無恥到講話買左商務位 , 就算我下年既入場卷 , 小地勤都要今日放佢入黎 .
咁都算 ! 但溫馨提示下佢 , 依到唔係 24 小時開放 , 佢又問點解 ? 之後發難 , 話一定要我地開 24 小時 , 點解可以咁野蠻 ? 真係無諗過外國人都咁衰 ! 
小地勤又唔係佢屋企個工人 , 佢有咩理由要我地為左佢返足十幾個鐘 .
好采比小地勤諗到個方法 , 而無賴亦即刻笑曬口 .
臨走仲同小地勤 Say Sorry , 話當時自己太眼訓 , 真好笑 , 小地勤又眼訓啦 ! 我可唔可以打七你 !?

最過份係 , 我懷疑佢執左男洗手間道門 , 因為得佢先有咁大隻 !

第四單 : ( 將無理合法化 )
Delay 係慘 . 但就可以佔據貴賓室同拍小地勤短片 ?
10 個大陸人係閘口鬧完 , 再到服務櫃檯倒亂 , 整爛完櫃檯既野 , 再衝入貴賓室 , 用車仔撞開我地道閘 , 會唔會太過份 .
班小朋友入到去 , 仲叫口號 , 不過被其他貴賓制止 .
佢地一直拍我片 , 見的係要迫我發火 , 小地勤專登笑得好甜 , 慢慢 , 但大聲咁住鏡頭講 :

小姐 , 航班延誤 , 我明白你唔開心 , 但依到係收費貴賓室 , 十個人入黎 , 就要比 3xxx , 你唔開心 , 我明白 , 你要撞道門 , 裡面叫口號 , 我都明白 , 真係唔好意思 ... ( Repeat 十萬次 )

我心諗 , 真係丟架丟到全世界 , Delay 就可以殺人搶劫 , 佔領貴賓室 ?
拍片就拍片 , 被你自己國人睇下自己國人教養有幾高 , 小朋友得個幾歲都殺入黎叫口號 ! 中國將來靠依班細佬 , 玩完 !