得而復失 , 再失而復得的假期 .感謝同事們想盡辦法幫我 , 感謝呀姐最終答應 .
小地勤又要準備起飛了 , 今次目的地 - 日本沖繩 Again ... ... 轉眼間已經係小地勤第七次遊沖繩 .
今次同之前六次有少少唔同 , 今次會嘗試自駕遊 !
其實男友想自駕遊好多次 , 但每次都被我拒絕了 . 原因係小地勤去沖繩唔係為左睇景點 , 而係為左買野 . 那霸市好細 , 平時用腳代步或坐單軌電車已很方便 . 再唔係報一日巴士團都已經玩曬好多出名景點 .
網友林公子話二月既沖繩 , 有機會睇到桵花 . 雖然小地勤都有睇過好稀疏既桵花 , 但每次一聽到話日本有桵花都仍會忍唔住想去睇下 . 其實我個人都幾無聊下 !
小地勤今日仲即刻 Book 左兩晚酒店 ,仲要係海景房 , 有露台 , 兩晚 千一蚊 多少少 . 不過等入住後 , 真係覺得好好先再推介比大家 .
至於 Book 車方面 , 仲有幾日時間比我地慢慢睇 , 慢慢搵 !
終於有機會同男友係萬座毛影合照留念 . 而小地勤今次打算去玉泉洞 , 美國村以及燈塔 . 當然 Shopping 亦不少得 . 返黎再跟大家分享 !
仲有幾日就出發了 , 希望出發前可以清左篇 " 2015 歐洲之旅 " ~
沒有留言:
張貼留言