十一月的天氣仍是很好 , 藍天白雲 , 天氣預測本來是三天也下雨 , 幸好沒怎下過雨 , 只是 Last Day 當日天氣比較差 , 所以到第三日係無行程 , 因為話走就走 .
講返第二日 , 晨咁早同妹妹由美榮橋行去漁市場參觀 . 沒聽錯 , 不會開車 , 當然要行路 . 美榮橋向碼頭方向行 , 沿海行入去 , 約行 20 幾分鐘就到 .
本以為今日係星期日 , 仲擔心漁市場會關門 , 抱住就算佢唔開都要係門口影返張相既心態 , 照去 !
明知依到食生野 , 唔啱我地兩姐妹食 , 都仍要去行一轉 , 因為我想食返上次個幾粒帶子 ... 我知依個理由有點無聊 , 但別取笑我 ...
500 Yen 有 5 粒 , 仲以為佢會加價 . 晨咁早 , 我係老闆既第一個客人 , 依 5 粒轉頭就比我食左 .
之後無所事事 , 又行返去美榮橋另一邊 , 就係國際通 . 目的係激安之殿堂及平和通裡面個藥店及手信店 . 其實 sogo 訪邊間藥店都平 , 但懶得行咁多間去格價 .
講好左每天要試一支飲品 , 依支剛好做推廣 59 Yen !
小地勤買完要買既洗頭水 , 沖涼液 , 防蚊水 ... 一堆每次都會買既野 . 某程度上 , 小地勤同同胞無咩分別 , 掃人地既日用品 .
之後去返買 BB 野個邊買野兼午餐 , 貪方便係個邊食野 ... 結果後悔了 , 沒食過這麼沒水準的吉豬 ... 平日間間都好好食 , 點解今次攪成咁 ... ?
係 BB 店左諗又諗 , 都只能二選一 . 積木定厠所 ? 沒法 , 小地勤依個姨媽媽生得細粒 , 只可以攞到一盒 + 個篋 . 最後 , 因為個 BB 生得太似我屋企 BB , 所以就決定買佢 . 依個厠所仔係唔係好得意呢 ?
晚上又去小祿買 BB 衫同玩具 . AEON 頂層超多 BB 衫 , 好靚 ,仲要好平 . 不過 , SIZE 就以 80 比較多 . 我家 BB 比較大隻女 , 所以都唔太買到衫仔 .
依個地方 , 相信黎沖繩玩既人都會同小地勤一樣 , 出出入入無數次 . 之前有間拉麵係到 , 但我覺得麻麻好食 , 今次再黎 , 佢已經關門大吉 .
商場一角 , 好靚 ! 好可愛 .
晚餐因行到店都關 , 所以只有冬甩 , 士多啤梨同杯麵 . 我食左 3 個 100 Yen 的冬甩 .
早就想試下日清依個杯麵 . 我每次黎日本 , 都會買日清個拉麵返香港食 , 5 月買了 1 包 ( 有 5 個 ) . 6 月又買左 3 包 . 之後 9 月又買左 3 包 . 今次都係買 3 包 . 香港買日清個麵最平都要 50 幾蚊 1 包 . 日本先賣 350 Yen !
依個杯麵都係超好味 !!!!
今日就係買左依堆野 , 個篋早就無曬位 , 依加係一個篋 + 一大袋 + 一個厠所 ! 小地勤真係好鐘意去日本買野 !
沒有留言:
張貼留言