目的地 : 印尼 - 峇里島 Bali
酒店 : Bali Relaxing Resort & Spa ( 公司送的假五星酒店 )
行程 : Nusa Dua 區域 , 沒行程
花花航空每天有三班前往 Bali 既航班 , 時間分 1215 , 1845 及 1920 . 十一月其實係淡季 , 很容易上機 . 小地勤坐 1215 的航班 , 差唔多 1730 先到 Bali .
Bali 跟香港沒有時差 , 由香港到 Bali 約 5 小時 . 機上只提供一餐 , 所以大家最好帶定少少零食上機 . 航班大吉 , 小地勤自己坐兩個位 .
第一次到 Bali 依個地方 , 心情其實好興奮 , 因為我去過既地方可以再加多一個 ! 飛機起飛了 ! 藍天白雲 , 天氣很好 !
係飛機上 , 坐成 5 個幾鐘 , 真係好奈無試過 . 把握時間填入境表及海關表 ( 同一個 Family 填一張 ) .
由中午飛到下午 , 藍天白雲到日落西山 . 終於飛抵 Bali 上空 .
小地勤第一眼的 Bali , 覺得個機場好似渡假屋咁 .
雖然十一月係淡季 , 但成個機場都係人 , 西方人最多 , 應該係黎避寒 . 之前聽過入境處職員會要求旅客比錢先放行 , 見到入境處打曬蛇餅 , 應該都唔太得閒 , 所以小地勤排左成個鐘頭後 , 叫順利出左境 .
當地既人 , 英文怪怪地 , 唔太明佢地講咩 . 係行李帶附近有很多日本簡介 , 攞左自己住個區既地圖就出發 .
個人建議 , Bali 好多騙子 , 所以小地勤今次唔格價 , 亦唔帶咁多錢 , 仲有買保險 . 一出關就唔理匯率好定唔好 , 照唱錢 , 匯率唔好 , 仲好過出去比人呃 !
印尼有自己既貨幣 . 唱錢要帶美金 , 一百蚊面值既美金既匯率係最好 , 美金匯率有分大紙同細紙 . 一蚊美金約當地錢一萬 , 即 8 蚊 HKD = 當地 1 萬蚊 .
小地勤一心諗住唔離開酒店 , 所以只帶了 400 蚊美金 , 講真係酒店食野 , 應該唔會洗我三千蚊掛 ...
同事建議小地勤係機場的 Taxi 櫃位坐車 , 一個價錢 , 唔算貴 . 但留意街外的士係會呃人 , 叫小地勤盡量唔好坐街的 .
由機場到酒店 , 小地勤住的地方比較遠 , 因此坐了 15 萬 . 咁大個女 , 第一次坐 15 萬的士 . 全程車 , 個司機係咁 sell 我地 book 佢一日 . 小地勤扮聽唔明 . 係當地 , 扮傻先走得甩 . 鬼叫同胞累亞洲人樣成為別人眼中水魚 ...
沒有留言:
張貼留言