28.06.2015
現在是零晨三點 , 小地勤正身處香港國際機場 ... 相信不至我一位小地勤在努力奮鬥中 , 全機場既地勤都因為無數次及無了期既上海空管而受罪 !
今年 , 我每隔一星期就聽到一次上海空管 , 每個月亦一定會中獎 , 人都開始麻木了 .
之前有一段時間 , 我返工返得唔開心 , 因為工作上覺得自己再努力做也只是白做 , 而且同事之間既是是非非亦令我心煩 . 但自從每星期都有上海空管 , 每日返工都變得十萬個忙之後 , 人就麻木了 . 覺得返工有是非都不及返工日日比客鬧來得慘同辛苦 .
上海空管 , 正講今日全香港既航班都在等 . 原定 0925 起飛的航班等到 1830 飛出後 , 香港再沒有航班飛出過 ... 花花原定 1315 飛出的航班 , 等到後面的航班都全部取消了 , 等到晚上 2130 又話要等到 2230 先有消息 ... 到 2230 又開始勸乘客不如取消航班啦 ... 到晚上 2300 收到消息 , 下一班可以飛離香港的航班時間是零晨 0145/+ ... 而當時的 1315 花花航班前面還有成 5 架飛機等緊 , 等到後來再多 2 班飛機取消 ... 在大家都絕望 , 乘客也沒好氣再罵我的時候 , 突然 2330 說要登機 .
突然話登機就登機 , 大家開心之餘 , 亦不忘提乘客要跑快一點 , 怕轉頭上海機場又反口 , 不放行 .
當時我正處理緊一位手持大陸護照 , 卻說得一口流利英語的中國女子既轉航班事情 . 大陸同胞成日話我地唔愛國 , 但我又唔見得佢地自己有幾愛國囉 ! 果位小姐 2320 黎到我面前 , 同我講唔知道自己班機 Delay 到 0400/+ , 話我地太過份 x%$#yz ... ... 但小地勤有一點好唔明 , 佢班機原本飛 2100 , 佢 2320 出現我面前 , 根據紀錄 , 佢係 2250 Check-in . 唔知 Delay 又識咁遲先黎 Check-in .
就算小地勤幾唔想幫佢 ,作為地勤 , 我都仲要盡幫 ! 最後同佢一起 9 秒 9 跑去登機閘口 , 佢明明一早講話行李遲上機都唔緊要 , 到閘口時又話希望行李上到依班機 , 總之就抄左我名 . 其實我心裡很唔高興 , 幫完你仲要抄我名 , 假如要投訴就由佢啦 !
最近成日見到有人鬧國泰航空大 Delay , 其實無人想航班 Delay , 客人無左時間 , 航空公司賠錢比依個廢機場 , 地勤被迫超時工作 . 但講到尾都係多得我地偉大既祖國 , 自從香港飛大陸既航班越多 , 香港既準時率就 Keep 住下降 . 唔知可以搵邊位人兄同大陸傾傾 , 唔好成日空管得唔得 ?
沒有留言:
張貼留言