今日早餐 , 竟然因為酒店比左 200 Yen 折扣卷 , 而吃麥當勞 . 跟餐的咖啡比香港大杯 , 簡直係中杯可能 Size .
吃完早餐 , 我們慢慢地開車前往無咩人去既冷門景點水無海浜温泉 , 它是一個海中溫泉. 經過一個海邊的道站 , 買了一大堆昆布回香港 . 平時家中打邊爐 , 落幾片昆布加麵鼓 , 個湯底超好味 , 應該點都健康過雞粉 ...
藍天白雲 , 破舊木屋加大草地 , 滿地小花 , 蒲公英 , 仲有一望無際的大海 , 好靚好靚 . 抱左小 BB 落車 , 幫佢影左好多紀念照 . 這些相片 , 背景咁靚 , 大個仔比朋友睇時 , 都見得下人 .
呀媽細個係小丸子頭 , 影相背景永遠係樓下公園 , 仲要係著住訓覺衫影 . 都唔好意見比人睇 . 哈哈 ...
BB , 你個樣真係好呆 , 天然呆 , 未訓醒 . 景色好靚 , 點影都靚 , 好似影緊廣告相咁 . 好多蒲公英 , 忍唔住取手攞左支 , 一吹就散開曬 ... ...
其實如果唔係自駕 , 依個景點應該都幾難到 . 依個係位於函館市郊外海中的天然露天溫泉 , 可以一路浸浴 , 一路覽太平洋的廣闊美景 . 重點係 , 佢係一個很少見既海中溫泉 , 只在退潮時才會出現 . 我地專登搵左潮退時間先過黎 .
我地抵達時 , 完全無人 , 原因未到最適合入浴既時間 . 我地四圍影相 , 影完就開始浸腳 . 依到有一間比人換衫既屋仔 , 我地入浴時 , 水很淺 , 而且很溫暖 .
依個露天溫泉是免費的 , 無職員看守的 , 所以自己帶定毛巾 . 因為係係海中的溫泉 , 怕危險 , 所以我地輪流陪住 BB , 無比佢落水 .
我地試左 2 個池既溫度係不一樣的 , 另一邊好熱 . 越浸會覺得水越熱 , 而且你會感覺到腳底有水湧上黎 . 每當海浪拍過黎既時候 , 感覺越強烈 .
圍住既石好大 , 但好滑 , 所以唔建議小朋友黎玩水 . 萬一失足 , 就跌落大海架啦 . 老爺奶奶好喜歡依個景點 , 因為好特別 , 好似包左場既露天風呂咁 .
四圍都有好多海草同水甲曱 , 怕昆蟲的女士 , 唔建議過黎 . 自私的媽媽只帶左自己件親子裝 , 專登唔帶爸爸個件過黎 , 爸爸表示不滿 , 哈哈 !
起初 , 溫泉水很少 , 只到小腿 , 後來水越來越多 , 浪花亦越黎越接近 . 我們逗留了一個小時多才離開 . 離開既時候 , 先開始有人著住泳衣落水 , 水位已經升到上腰 . 係唔係好奇妙呢 ? 如果大家已經去厭左普通既景點 . 趁依個景點未出名前 , 一定要黎體驗下 .
我見網上登出的黃昏照片仲靚 . 如果再有機會 , 都想再黎浸下 .
離開依個景點不久 , 就遇到一個好靚既燈塔 , 所以大家又落左車去影相 . 之前帶住 BB 去沖繩 , 去到殘波岬時 , 燈塔維修 . 今次又遇上 BB 午睡 , 睇黎我囝同燈塔無緣 .
下一 Part , 惠山杜鵑花節 及 五稜郭公園 ~
沒有留言:
張貼留言