函館小丑漢堡好出名 , 係函館四圍都會見到 , 所以小地勤食完都唔知道自己食過 . 最有印象係係五稜郭公園個間分店 , 等左 1 個鐘都無位 , 放棄唔食 . 事後先知個間店以小天使做主題 , 加上好多節目介紹過 , 所以長期排隊 , 其實其他分店 , 大把位的 .
小丑漢堡正係開係函館 , 北海道其他地方無見過 . 所以每次黎 , 我都會幫襯 . 函館原來有成 17 間分店咁多 , 何必要迫死去一間呢 ? 19 號晚上 , 我們去完大沼國定公園散步 , 開車返函館市中心 , 係最外圍見到依間好靚好大間既小丑漢堡 , 因此我地決定晚餐於此 .
依間分店原來叫 峠下総本店 , 我都係回來網上睇返先知 . 好大間好靚 , 仲有好多雀鳥既畫像 . 可惜 BB 訓左覺 , 所以我地唯有臨走前再跟 BB 黎打卡 .
一推開門 , 樓底好高 , 有張紅色大椅子 , 有長頸鹿 , 有熊仔公仔 , 好多花花燈 , 不停咁影相 .
我之前買過雞堡 , 一試難忘 , 所以今次再食返雞堡 . 老爺話之前睇 J2 介紹過依間怏餐店 , 炸5好出名 , 所以我地亦叫左份炸雞 . 老公係好大食的人 , 佢叫左一個正常 Size 的蛋包飯 , 份量超大 . 如果係大 Size , 應該大肥仔都食唔曬 !
食完晚餐 , 等極 BB 都唔願起身 , 所以四圍行多左一陣 , 參觀下就返酒店了 . 舟車勞動 , BB 應該好攰 . 小地勤依個懶媽 , 返到去只係幫佢換條片 , 洗下臉同手仔 , 就由佢繼續訓 . 天氣涼 , 唔沖涼 , 唔緊要啦 ... ... 其實我一點都唔乾淨 !
由於當晚 BB 訓左覺 , 所以離開函館前 , 我地又黎依到食雪糕同炸雞 . 真係好好味既炸雞 , 反而雪糕無左以前個份令我一再想吃的味道.
小地勤食完成杯雪糕 , 都仲可以坐係到同奶奶吹下水 , 因為我個囝好忙 , 忙住揸車車 . 玩左好奈 , 佢先想起我依個呀媽 , 叫左幾聲媽媽 , 又拍左幾下旁邊個位 , 都幾有孝心 . 雖然你係麻麻湊 , 但都仲記得叫媽媽上車 , 真係要感動到喊 !
依間店好多幸運物品 , 坐左會 Lucky 既紅色巨型椅子 , 敲左會幸運的幸運鐘 , 仲有比小朋友坐的黃色健康椅子 .
其實我好擔心 BB 會驚小丑 , 因為我見過好多 BB 一間到麥當勞叔叔就會喊 . 好彩你無喊 , 如果唔係只可以外賣了 .
依到仲有好多不同做型既椅子 . 雖然男仔唔可以扮靚靚 , 但原來男仔好識哄媽媽 . 抱住你 , 我的心融化了 . 你老豆 , 已經成為左一支聲控腳架 , 正係用黎影相 , 哈哈 ...
外圍其實仲有好多野睇 , 不過天氣唔太好 , 整個行程既唯一落雨天 . 北海道的夏天 , 其實都好清涼 , 記住帶外套 .
如果大家係自駕遊 , 去偏遠一點的小丑漢堡 , 相信會有好大驚喜 .
沒有留言:
張貼留言