行程 : 二条市場 - ESTA - 札幌市時計台 - 大通公園電玩塔 - 薄野
五月是小地勤老公生日的日子 , 每年都會外遊慶祝 . 今年小地勤第一年做人新抱仔 , 亦好順理成章幫奶奶慶祝母親節 , 一家四口去旅行 . 花花航空的福利是除直系家人外 , 連老爺奶奶都同享一折機票 , 相比起其他航空公司 , 花花航空對員工已經好大方 .
今次行程的航班時間好靚 , 0915 起飛 , 仲可以趕到去二条市場買隻蟹做宵夜 . 五月絕對係黎北海道食蟹既好時機 , 大大隻 , 夠多肉 , 仲要平到你唔信 ! 依個行程 , 我地帶左剪刀過來 , KO 左 11 隻蟹 , 最平個次係 5000 Yen 3 隻毛蟹 . 好抵 !
因為五月不是旺季 , 很有把握上到機 , 所以早作準備 , 得到很多早鳥優惠 . 40 日前訂 OTS 比小地勤用航空職員得到的優惠更多 . 行程頭兩晚住的是在 JR 旁的 Hotel Sapporo Monterey . 一直以來都想找機會住一下 , 但每次看到的價錢都是 800 蚊以上未連稅 . 今次早鳥價 530 蚊連稅 , 所以選中它 .
自己去旅行住得差一點是不打緊 , 跟老人家就要好一點點 . 酒店大堂充滿歐陸風 , 好靚 .
連部升降機都特別過人 , 用指針標示樓層 .
係街尾仲有一間依個集團既酒店 , 小地勤都有住過 . 相比之下 , 依間位置比較好及房間比較大 . 望出去會見到 ESTA 商場 , 裡面有拉麵共和國 , 電器 , 衣服及藥店 . 晚飯前 , 我地都去左 ESTA 行一轉 , 睇定物價 .
訂酒店時 , 小地勤加左佢 " 慶祝生日 , 要求高樓層 " , 酒店果然比左頂樓我地 , 仲有小禮物 . 不過張心意卡卻寫 " HAPPY HONEYMOON " , 可能誤會了 , 哈哈 ... ...
今次已經係兩年內的第六次北海道 , 我地根本唔洗用地圖 , 好自然就行到去薄野食晚飯 . 沿途見到的景點 - 札幌市時計台 . 路過很多次 , 卻第一次停下來合照 .
網上話 5 月 18 到 29 日係 " 第 58 屆札幌紫丁香花際 " , 見人地係大通公園影相 , 所以小地勤都沿路行去望一下 , 可惜天黑黑 , 花就睇唔到 , 正係見到亮燈的電視塔 .
係北海道玩到咁夜 , 得返居酒屋同拉麵 . 我地食飯既地方 , 來來去去都係個幾間 , 今次都係食返以前去開既居酒屋 .
沒有留言:
張貼留言