人生第一次飛到歐洲 , 已經是 9 年前既事 . 當年公司要求員工做滿一年才可以出 EK 航空的一折機票 , 記得那時候 , 去英國的機票起碼 8 千蚊以上 . 3 千幾蚊就可以去到歐洲 , 對當時所有人黎講係夢幻既事情 .
不久 , 金融海瀟 . VS 航空出位價 3300 直飛英國 , 小地勤跟一位志同道合的朋友 , 二人成行 .那一年香港經濟好差 . 聽聞好多大公司都炒人 , 但小地勤沒有擔心過去完旅行會失業 . 地勤 , 永遠都人手不足 ... 可能地勤依一行唔能夠令人大富大貴 , 但依行就算市道再差 , 都好少炒人 . 當然 , 爆大鑊除外 .
無數次既歐洲之旅 , 見證住街外機票越做越平 ! $3274 這個價錢 , 仲平過買張北海道機票 ! 員工既一折機票都要起碼 $3300 呢 ! 航空公司點樣生存 , 當飛機做到好似巴士咁普及既時候 , 乘客既質素就每況愈下 . 無論地勤或空姐既薪金亦不再好似從前咁令人嚮往 , 少左新血加入 , 又留唔住舊人 ... 就算起多幾個機場或增加多幾條跑道 , 咁又點 ? 有設施 , 無人做 , 真係要全部自動化咩 ?
幸好 , 就算街外機票點平都好, 都仲未係人人受惠 , 日子咁爛 , 除左返自由工外 , 相信都無咩人可以隨便請到咁多日假期 , 話飛就飛一轉 ! ( 給大家參考一下的超平價日子 )
沒有留言:
張貼留言