有隻雀仔跌落水

10.04.2019

 

從前成日唱 “ 有隻雀仔跌落水, 跌落水, 被水衝去 … “

明明係好慘既歌詞 , 但小時侯既我, 總係唱得好開心 …

 

最近 , 貴賓室經常被雀仔睇中 , 佢地喜歡站在高處 , 睇準機會飛落黎搵食. 客人都算係咁, 無為此而投訴. 香港地, 好小事, 都好容易變做大事, 大家明白的, 不用我多說.

 

前幾日又有隻好大隻既黑色雀仔黎到貴賓室搵食. 作為地勤, 好為難, 要係客人投訴前做驅逐行動. 只係我地無諗到, 機管局既方法 , 原來幾殘忍.

 

最終雀仔跌左落黎, 受傷了! 我地成班同事好自責, 事後檢討, 以後唔攪佢地. 這個機場, 其實係佢地屋企, 我地霸左人地地方, 仲整傷佢地, 又的確係我地太不近人情.

 

或許係我地既背景音樂吸引左雀仔們, 我地都係時候考慮轉下音樂.

 

希望機管局無呃我地 , 會放生隻雀仔 …