一早睇左天氣報告 , 知道沖繩有雨 , 所以帶定 BB 車雨罩 .
我們今天要去泊港漁市場吃早餐 . 我們對那霸市的確很熟路 , 其實泊港漁市場離美榮橋駅約 30 分鐘內的腳程 .
我們今次由安里出發 , 當散步 . 沒開車 , BB 車真的很重要 , 所有背包以及 BB 用品掛曬係車上 .
這段路不是大街 , 連便利店都唔多間 . 日本便利店的熱咖啡是小勤最愛 , 便宜 ! 便利店連 BB 都鐘意 , 因為隋手都可以攞到野 , 他的視野不再是路人的腳 , 哈哈 !
囝呀囝 , 係係肚裡面時 , 媽媽已經講左會經常帶你去泊港漁市場 , 等你大少少 , 可以一起吃壽司 .
沖繩已經成為香港人喜愛的旅遊地點 , 這相信要歸功於小地勤任職的公司 . 相信無人希望花花航空被魚翅收購 , 獨市的話 , 機票就唔會再咁平了 .
小地勤老公喜歡到泊港漁市場多過牧志市場 , 因為比較便宜 . 一底海膽 2000 YEN . 這餐早餐 , 老很滿意 , 買埋支小地勤最愛的咖啡奶都不用 4000 YEN . BB 表示 , 有得睇無得食 , 嬲嬲豬 !
食飽經碼頭行去波上宮依個市內景點 . 今次終於似返個遊客 , 我有認真欣賞個碼頭 . 很久很久以前 , 小地勤帶住父母黎依個碼頭觀光 , 現在帶住 BB 攸返同一樣既野 . 太耐無黎 , 景物都變得新鮮了 .
天陰 , 但這段路很多花 , 好靚 .
沿路四圍睇 , 無行程 , 感覺很悠閒 , 這是沖繩的另類玩法 .
向波上宮進發 , 很久以前 , 我跟老公來這邊的藥店幫表姐仔搬尿片 , 現在幫表弟仔 (即我個囝) 搬尿片 . 沖繩 , 小地勤很喜歡的一個地方 .
終於來到波上宮 . 上年 11 月 , 時間關係 , 沒帶 BB 過來拍照 . 今次補返 .
波上宮下面有一個沙灘 , 沒開車 , 唯一可到的沙灘 . 小地勤 BB 沙灘初體驗 , 沒想到 BB 很喜歡踩沙及海水 , 沒有害怕 , 十分歡喜 .
今個旅程 , BB 學識左好多新技能 , 我覺得旅行比困在課室來得好玩 , 所以我沒打算報 N 班 . 我不忍心要他 2 歲就開始讀書 , 小朋友是應該玩的 . 讀書只為識字 , 學知識 , 不是為比較 .
一個很美麗既沙灘 , 水很清 . 四圍很乾淨 . 未到夏天 , 所以沒有淋浴設施 , 幸好我有帶大樽水 . 媽媽們要留意喔 !
下次想試一下 , 好像很吸引 . 小地勤最愛平價食物 .
福州公園 , 每次路過都沒有開門 , 跟我們無緣的景點 .
縣廳前駅的大型商場 , 比卡超產品是老公入貨對像 , 買到可以退稅 . 這個商場 , 小地勤興趣不大 , 還是小祿駅的 AEON 商場比較好買 .
兒童區 , BB 的視野不一樣了 , 所以他愛上行路 , 學識了放手 , 踏出第一步 . 旅行 , 的確是訓練小孩的好時刻 .
三月 , 白色情人節 , 平靚正 , 款式多的 AEON 超市 !
終於再遇上這個桃味爽 , 超好吃 . 某年在鹿兒島遇上 , 那次之後 , 都沒再見過 , 今次吃夠 2 盒 , 終於不再念念不忘 !
任何時候都可以訓覺的 BB , BB 車真的很重要 . BB 起床後 , BB 車就成為我地裝戰利品既車 ... 放左 10 KG 米以及一大堆日用品 .
親愛的 , 祝你 13 個月大快樂 , 媽媽永遠愛你 ! 只求你一生平安快樂 , 在這個充滿競爭及怨氣既香港 , 活得自在沒憂愁 .
沒有留言:
張貼留言