最近參加了公司給同事的 " Appreciative Leadership Workshop ". 係依個課程裡面 , 我更認清自己既優點 . 一直以來 , 我都知道自己的中文其實是不錯的 , 雖然日記板內常有錯別字 , 亦常以廣東話來表達自己 , 好似有點自相矛盾 , 哈哈 ... ...
自己覺得自己中文幾好既原因 , 一定係有比較之下才知道的 , 當機場既同事大部份外國返黎 , 很正常地 , 我既中文係叫 " 好 " . 今次課堂上 , 導師分享左好多古人既大學問 , 即係要睇 " 文言文 " . 印象中 , 畢業後都無再接觸過 " 文言文 " . " 文言文 " 的確唔係每個識中文既人都會認識 , 表面看每個 " 字 " 都曉 , 但又理解不出意思 . 今個課堂 , 小地勤既中文被評為 " 很好 " , 有點飄飄然 !
講返個課程 , 我被列入為 " 關係型讚賞領袖 " :
以人為本 , 愛幫助人 , 天性敏感 , 很顧及別人感受 , 是天生的讚賞領袖 .
由於天生愛好和平 , 不喜傷害別人 , 當遇到別人做錯事時 , 亦不善於指出對方錯處 , 令對方未能有所改善 .
簡單來說 , 我太好人 , 所以人地唔夠怕我 . 這是我的選擇 !
課堂上 , 從導師 Role Play 當中 , 我學到很多有用技巧 , 不過 , 我唔希望真的要運用在工作上 . 我不喜歡升職 , 因為覺得權力會令人格改變 , 我希望自己永遠都係一個 " 做好人 " 的小 Leader .
最近其實發生左好多事情 , 眼見自己選擇 " 唔升職 , 唔鬥爭 " , 原來亦唔會換到和平共處 . 大家姐很為我著想 , 決定推我一把 , 年尾 , 小地勤可能有機會處於不一樣的位罝 . 真的是守得雲開見月明 .
沒有留言:
張貼留言