晨早去朝市行多轉 , 再到超市尋寶 , 就離開函館 .
經過昆布館 , 落車去參觀同試食左好多昆布產品 , 日本人真係好大方 , 試食都係半件起 .
日本既雪糕口味真係超多 , 昆布味都有 , 食完都食唔出係咩味 .
每個地方都有吉祥物 .
昆布展館 , 都係介紹下昆布既制作過程以及用途 . 順路參觀借厠所都唔錯 .
其實成個北海道都被昆布包圍住 .
昆布除左可以食之外 , 仲可以做紙同做衫 , 真係估唔到 !
之去去左距離函館一小時左右車程的大沼國家公園散步 . 當中有 2 條路線 , 一條 20 分鐘的重點遊以及一條 45 分鐘的漫遊 . 重點遊已去過一次 , 所以今次我地選 45 分鐘 .
出發前先每人買支波子汽水 , 有好多水果口味 , 當中士多啤梨同哈蜜瓜係大熱 .
依到都有種紫滕花,不過都係未開.
可以坐天鵝船 .
多款口味既雪糕 , 黑色係墨魚汁口味 .
依個叮噹勁似假野 ...
熊出沒 !!
45 分鐘的路線係不停行橋 . 無數個小島被拱橋連接起 .
依到係秋天睇紅葉既地方 , 夏天四圍都綠油油 , 好有生氣 .
圍繞個湖行一圈 , 穿過無數的小島 , 路很平坦 , 好適合散步 . 45 分鐘後 , 你會回到原處 .
再過一個月 , 湖湖開花 , 應該好靚 .
聽聞最高點係火山口 .
係到散步到兩點 , 食個日式飯先離開 . 每個 Set 餐 2000-3000 Yen , 環境都唔錯 . 係景區食飯都唔算貴 .
食飽起行到洞爺湖浸浸手同浸浸腳 . 北海道有好多免費手湯同足湯 . 每次黎既水溫都唔同 , 今次水真係好夠熱 , 亦 keep 住有水出 , 正 !!
洞爺湖風景都唔錯 , 不過黎一次就夠了 . 可以坐船游湖 , 又或者坐住天鵝遊湖 .
主要目的係浸浸腳 , 伸展一下 . 如果由函館直踩到札幌 , 要 3 小時的 , 所以建議中途休息下 . 入黑前就離開 .
今次返到札幌 , 唔再住係旺區 , 而住得入少少 . 一間 L 型的大窗 30 平方米既房 , 公園景 , 大特價 250 蚊連稅 . 不過要搵間最近既便利店要行 20 分鐘先有 , 自駕遊就無所謂啦 .
晚飯係札幌的拉麵橫町解決 . 我地仲同老爺奶奶分開食自己喜歡的拉麵店 , 每次都食唔同既 , 相信好快會試食曬 .
沒有留言:
張貼留言