五稜閣公園 , 一定要比錢上去個塔睇一次 . 亦一定要花時間行下個公園 , 特別係風和日曬既春天 , 百花勝放 , 影相影到手軟 .
地上都長滿小野菊 , 就好似有人專登去種咁 .
杜鵑花 , 同香港的唔同 , 依到既杜鵑花比香港的細朵及密 . 遇唔上櫻花盛開的五稜閣公園 , 開得勁多勁大堆頭的杜鵑花亦唔會令係失望 .
雖然櫻花已過花期 , 但仍會搵到佢既蹤影 , 都未係謝曬 . 小地勤都只係學人追下櫻花 , 但又未好似其他同事咁瘋狂 . 有同事對日本既櫻花同綠茶既熱愛真係嚇死人 .
紫藤花算叫開左少少 . 上年同一時間過黎 , 天氣無咁暖 , 所有花都未開 . 今次的紫藤花都長出花苞,亦開左少少 , 算唔錯了.
今日特別多人的原因係有際典 . 遇過最大型個次係係札幌街頭 , 好多人跳舞 , 打後遇到的都是很小小的際典 .
遊完花園 , 再到海邊吹風 . 某次路過 , 自此就每次都會過黎影張相 , 海邊真係好靚好靚 .
喜歡函館的一望無際既大海 !! 係到影返張相先證明到我真係去左北海道架 ~
晚飯前既行程 , 就係超市掃貨 , 買米買麵買罐頭 , 搵新款零食 , 買飯後生果同甜品 . 當地勤係好辛苦 , 但當文職既地勤真係好唔錯 , 返工時間穩定 , 少少 Shift , 每個月只要 Request 一下 , 就可以去旅行 . 依加既生活真係唔錯 .
晚上不想再食拉麵了 , 路過見到的小食街 .
在大魚丸食晚餐 , 食物唔太貴 , 但加 xx % 的服務費 , table charge 以及飲品一杯比街外賣貴 2.5 倍後 , 係會覺得好貴 ! 邊有可能個 table charge 跟一杯飲品的價錢等於海鮮鍋 ( 2 人前 ) 一個的價錢 .
第一次食居酒屋有 table charge , 早知食返旁邊個間 , 之前食過 2 次 , 價錢都好合理 . 依間大漁丸 , 相信貧窮的我都唔會幫襯第 2 次 .
沒有留言:
張貼留言