2017 上半年的計劃

09.01.2016

最近 Facebook 有好多 2017 年生肖運程既預告 , 全部都預計小地勤今年係 " 破財 " 之年 . 左思右想下 , 天要破你財 , 就算幾努力儲錢 , 都有可能有突如其來既大消費 . 既然不能與天對抗 , 決定今年自己洗左佢 ! 洗錢對一個慳妹黎講 , 絕對係破財既行為 !

前幾日放假 , 就係 Agoda 搵左好奈平價酒店 , 實行去旅行洗下錢 . 已經訂好左 2月 , 3 月 , 5 月跟 6 月既酒店 . 媽媽一直話想去多次北京 , 但我又好想試下去南京 , 所以就決定請媽媽去兩次旅行 . 如果我老豆都有興趣去旅行 , 得就請埋佢 , 實行大破財 .

老爺奶奶又話想去多次北海道 , 所以決定 5 月帶佢地走一轉 , 6 月我同老公又再走多一轉 , 用曬所有免費票 !!

小地勤係依間公司做左 5 年半了 , 今年起 , 公司送多一套免票 ( FOC ) 比我 , 即每年有 6 套 FOC . 再加上 2016 年 , 我仲有一張免票未用 , 計落今年就有 7 張 FOC , 夠曬我地用 !

至於下半年 , 就睇下公司會唔會真係開返 London , 如果仲未開返 , 我就跟同事去澳洲玩一轉 !

每當我覺得工作好辛苦 , 唔知返工為左咩野既時候 , 計劃一下行程 , 就係我返工最大既動力 . 再一次可以同自己講 , 其實做地勤都幾好 . 隨時可以去 3 , 4 日旅行 . 有無人想加入貴賓室 ? 我地急住請人擴展勢力 .