Day 1
今次目的係要參觀兩間酒店 , 而酒店不但安排我地免費試住 , 更搵人帶我地酒店半日遊 . 我地入住的酒店是 ROYAL MUANG SAMUI VILLAS. 跟機場很近 , 約 5-10 分鐘車程就到 .
酒店的 Lobby , 沒有冷氣 , 地方很大 , 跟峇里島的感覺很相似 .
等 Check-in 時又再四圍影相 , 我跟另外兩位同事都係第一次黎到蘇梅島 , 所以非常興奮 , 相機不離手 .
酒店給的 Welcome Drink , 似酸梅湯 , 除了送上飲品外 , 還有每人一串的鮮花.
酒店職員用 Golf Cart 送我地到 105 號房 .
間房好大 , 張床好大 , 有冷氣 , 有電蚊香 . 基本酒店有既 , 佢都有 .
浴室好大 , 有淋浴區 , 亦有按摩浴池 , 大到我成個人訓係浴池裡面都無問題 .
房間的門窗一打開 , 就可以跳落水 , 水深有 1.5 米 .
浴室行出去都係泳池 .
酒店房外的休息區 , 晚上唔怕被蚊咬的話 , 可以三五知己坐係到談心同睇星星 .
酒店四圍都見到椰子樹 , 香蕉樹 , 仲有蓮霧 , 我懷疑全部都係酒店自己種 , 可以自給自足 , 確保貨源 .
1/F
介紹完自己間房後 , 係時候帶大家去睇下其他房間 . 所有一樓既房間都係有自己的泳池 , 淡季1500蚊左右一晚 .
基本上 , 依間房跟我地住個間房係一樣 . 酒店職員推介我地一定要試用房間內的 Lotion , shampoo 及 shower gel , 因為係佢地自家品牌 , 充滿 ginger 既香味 , 其實我都幾鐘意薑味既產品 , 覺得好香.
2/F
二樓既房間係無泳池的 , 淡季約 1200 一晚 . 感覺有泳池比較抵 .
房間格局係差唔多 , 感覺細一點點 .
浴室亦比較細 , 但我反而覺得咁樣比較集中 . 香港人住慣細地方 , 個浴室太大反而好唔自在 .
房間出面亦有一個比三五知己聊天既地方 . 都係個句 , 唔怕被蚊咬先好出去 , 依個行程 , 我被蚊咬左 10 幾啖 , 其實我已經有用蚊怕水 , 都攪成咁 .
3/F
亦擁有自己既私人泳池 , 而且地方更大 , 更有私隱度 . 三種房中 , 價錢最貴的 , 淡季也要 3000 蚊一晚 .
訓覺區 , 又要聽講解又要影相 , 其實好忙 .
中間位置是廚房 , 可以自己下廚 . 廚房出面就係泳池 .
另一邊係室內既休息區 , 亦係三五知己談天說地既好地方 .
有露台 , 可以曬太陽 .
休息區內亦置有露天沐浴區 , 不過晚上 ... 應該會被蚊咬 , 同幾驚 .
酒店四圍都係露天的地方 , 一落雨就好麻煩 . 好彩依三日天氣都幾好 .
雞蛋花 , 真係好靚 .
可以報名學整正宗泰國菜 . 酒店咁靚咁大間 , 係應該留係酒店享用佢既設施 , 否則就真係好浪費 .
酒店的泳池亦好大 , 分唔同水深既區域 , 亦有按摩既區域 . 基本上 , 遊客都外出了 , 所以泳池都無人 , 就算早上 , 大家都只會留在自己的泳池游水 , 所以唔住泳池房 , 一樣可以獨霸個大池 .
另一導致泳池無人的原因係佢個沙灘好靚 , 水好清 , 有魚 , 沙好白 , 好難得個海咁乾淨 !
這是吃早餐的地方 , 下篇先再講 .
酒店當然有做 Spa 既地方 , 不過價錢就太貴了 .
係山洞內的房間 .
聽住水流浸個香蕉浴應該好 relax .
不過裡面好焗 , 係無冷氣的 .
由泳池望到的假山裡暗藏住做 Spa 既地方 . 幾特別
下一篇再介紹埋另一間酒店 .
沒有留言:
張貼留言