意見不合

09.04.2016

作為前線 , 最難處理的問題除左係航班 Delay 外 , 仲有係想 R 貴賓室 . 

特別大陸人文化係 " 我係邊個邊個既朋友 " . 有同事試過被 " 自稱朋友 " 的人指責 " 明天你不用再上班 " .

最近 , 有一家三口商務艙乘客帶兩位經濟艙老人家到貴賓室 , 當同事循例問邀請卡時 , 商務艙的先生聲稱自己係金卡會員 , 並將自己的港澳通行證給小地勤看 . 小地勤表面笑問有沒有金卡在身 , 心裡卻懷疑佢想 R 貴賓室.

先生答 " 港澳通行證 " 不行嗎 ? 小地勤笑答 , 公司要求乘客在貴賓室前台出示金卡 , 但明白先生不一定會帶金卡出行 , 所以可以退一步 , 最少要給我 " 號碼 " 檢查 . 那位先生都好合作 , 給了小地勤兩個號碼 . 小地勤就繼續做戲 , 請先生要等等 , 因為要致電查詢後才可以讓兩老入貴賓室休息 , 但亦有先邀請商務艙的太太及 BB 先進入貴賓室 .

當我入房做場戲比先生睇 , 兼開 System 檢查時 , 順便亦向掃把交代一聲 . 可惜小地勤跟掃把意見不合 , 並情不自禁地 " 黑臉 " 了 . 掃把認為見到兩個老人家就應該 " 同理心 " 放行 . 而小地勤一向都會先做戲 , 並爭取時間搵出真相 , 再給予其他方案 , 唔到最後 , 亦唔會用 " 同理心 " .

當我聽到掃把未知道成件事就覺得應該放行時 , 小地勤好嬲 . 完全唔明白點解可以咁輕鬆就決定放行 . 忍唔住黑瞼 " 喔 " 左一聲 . 表面 " 喔 " , 但就繼續檢查 , 最後確定兩個號碼有效 , 就再出去跟先生打哈哈 .

笑話 " 查咁奈 , 唔好意思 " , 並打蛇隨棍上補一句 " 下次問定房卡 , 就唔會 hold 先生咁奈 " , 先生話以為就咁行入去就得 , 下次佢會識做 . 成件事就完結左 .

我自問件事處理得唔錯 , 亦教曉左乘客唔可以直行直過 . 下次佢地再黎 , 就知道要出示金卡同銀卡先可以帶朋友 .

唯一美中不足係小地勤 " 黑 " 左掃把臉 . 身旁同事亦勸小地勤 , 既然掃把話放行 , 你咪放行囉 . 做咩要咁認真 . 回家後 , 小地勤都一直在想 , 我的確錯了 . 同事說得好 " 放客 " , 一定容易過我做成場大龍鳳 . 

再加上掃把可能唔想我被客鬧先叫我放行,並唔係我自己諗 "佢唔信任我 ". 

對掃把來說 , 我依種老 Pat Pat 可能係麻煩人 , 唔聽話 . 因此 , 就算我自己覺得自己好適合對客 , 亦不會再有下次去頂更了 . 我太直 , 對放唔放客 , 有自己一套做法 , 唔想為左咁樣而大家唔開心 . 

又再回覆那個跟文件打哈哈的小地勤 .