文職好 ? 前線好 ?

06.04.2016

一月左右 , 因貴賓室擴張 , Admin 工作突然增加很多 , 同事既要應付前線工作 , 又要自行搵時間完成每人手上的 Admin 工作 . 有見及此 , 呀姐抽起左小地勤做 Admin .

所有人都以為小地勤既工作好輕鬆 , 好簡單 , 每天準時返工 , 準時收工 . 才不到三個月 , 同事對我既工作都改觀了 . 小地勤好忙 , 好忙 , 所有事都關我事 . 直到最近掃把都發現 , 原本抽我出黎係基於減輕同事負擔 , 卻寵壞同事 , 令佢地唔再認真做好手上既 Daily Record .

我工作量越來越多 , 攪到分身不暇 , 當中主要來同事們的錯漏百出 . 以前我行前線時 , 都唔覺得佢地錯得咁過份 . 為左唔想佢地比呀姐鬧 , 我不停幫佢地補救 , 又經常係 Group 內提醒 , 但成果當然不大 .

最近又出事了 , 同事入錯資料 , 第二日同事又無檢查就 Send 出去 , 當然我都有錯 , 走漏眼 . 掃把每日見我都幫同事檢查 , 又成日係 Group 內提醒 , 所以都無怪我走漏眼 .

文職給我最好的地方係返工時間穩定以及準時下班 . 雖然最近已經要 OT , 但都尚可接受 .

前線 ? 唯一唔好處就係返工時間唔穩定及 OT , 卻比較輕鬆 , 對我來說係手板眼見功夫 . 這幾天我幫忙做 Assist 工作 . 雖然第一天返夜更就要通宵 , 但卻比平日輕鬆 , 坐係到等十幾個鐘 , 都好過坐係到做十幾個鐘捉錯處 , 捉人錯處 , 好傷神 .

一晚返夜, 我得到一位輪椅客係 Facebook 上既稱讚 , 被眼睛雪亮的 3 個小朋友說 " 呀姨 , 你長得很好看 " , 聽到天真無邪既小朋友咁講 , 相信無女人唔開心 ! 最重要係一晚 Delay 換來久違了 Compliment , 其實值得 . 

返前線的確令我更開心 , 更自信 !